هعملكم طريقه النهارده عمر لحمة الموزه بالفرييييييييك طبعا الموزه دي بتبقي لحمة ناعمه فبيبقي أكلها حلو وبتشتوي بسرعه وبعدين هعملك الطريقه علشان عيد الأضحي قريب وان اء الله الكل يعملها ف البيت
يلا نقول بسم الله ونبدأ
المقادير :
• نصف كيلو لحم موزة خال من العظم.
• نصف كيلو فريك.
• نصف ملعقة صغيرة مبشور جوزة الطيب.
• ربع ملعقة صغيرة فلفل.
• 2 ملعقة كبيرة سمن.
• بصلة.
• عود كرفس.
• فص حبهان.
• مكسرات محمرة.
• طماطم مشوية.
الطريقة
اسلقي الموزة
وضيفي إليها أثناء السلق بصلة مقطعة أربع تربع
وعود كرفس وفص حبهان
قبل ما اللحمة تستوي بشوية ضيفي إليها الملح
لما تلاقي اللحمة استوت شيليها من "الشوربة"
وحطيها في مصفة..
في الفترة اللي فيها اللحمة بتستوي
هاتِ الفريك ونقيه وبعد كده انقعيه في شوية ميه
بعد كده هاتِ صينية وحطيها على النار
وضيفي إليها شوية سمنة والفريك
وقلبي الفريك في السمنة لمدة خمس دقائق
بعد كده ضيفي إليه الشوربة
وشوية بهارات وملح
وسبيه على نار هادئة لغاية ما يستوي.
بعد كده رشي على لحم الموزة المسلوقة شوية بهارات
وملح وحمريها في السمنة.
بعد كده حطي الفريك في طبق التقديم
وحطي فوقه اللحمة المحمرة
وللتجميل شوية مكسرات
والطماطم المشوية على جانب الطبق
وبالهنا والشفا