طريقة عمل دبس الرمان فى المنزل

الى كل اعضاء وزوار منتدى نجوم مصرية الكرام
وبالأخص البنات وستات البيوت الطعمين الحلوين الى بيحبوا المطبخ والاكلات الحلوة
انهاردة من ضمن الدعبسة وسط الحاجات الى بنحتاجها كتير اليومين دول
وبنشتريها من بره غالية قولت اعملهالكم هنا
بطريقة سهلة وبسيطة كمان

وهيا طريقة عمل دبس الرمان فى المنزل

الطريقة سهلة جدا جدا
تقشرى الرمان ولو عاوزة تعمليه عصير وتصفيه براحتك
انا بنصحك تحطى الرمان بحاله كدا فى الكزرولة الصاج او الاستنلس
بلاش الومونيم
يعنى مثلا 3 حبات رمان حلوين كدا متقشرين

عليهم معلقتين سكر
وعصير تلات لمونات
وكوباية مية وسيبيهم على النار واول ما تغلى
تهدى النار وتسيبيها براحتها خالص لحد ما تتكثف
وفى الاخر لما تلاقى القوام الى انتى عاوزاه
تصفيه وتعينيه فى التلاجة وتستخدميه على طول
بس وبالف هنا وشفا


ودى الطريقة بالفيديو
https://www.youtube.com/watch?v=4Y5MC9em2nQ