طريقة عمل الفول بالخلطة - أفضل طريقة لعمل الفول بالخلطة
الفول هو أحد الأكلات الشعبية المصرية والتي لا يستغني عنها لا غني ولا فقير وقد أبدع الشعب المصري في طريقة عمل الفول على مختلف أشكاله وتنوعاته واليوم جئت لكم بطريقة عمل الفول رائعة جدا " جربتها شخصيا " وهي نتاج تجربتي المتواضعة
[fb]502426[/fb]
طريقة عمل الفول المصري 2013 - أحسن طريقة لعمل الفول بطريقة رائعة
مكونات ومقادير عمل الفول بالخلطة السرية
لعمل الفول بطريقة شهية وتفتح النفس علينا أن نحضر الآتي
فول - فلفل أسود - ملح - شطة حمراء - كمون - بهارات أخرى ( على حسب الطلب ) - فلفل أخضر بلدي ( في ناس بتقول عليه شطة " إحنا الإسكندرانية بنقولوا عليه فلفل بس " ) طماطم - ثوم - خل - ليمون - بصل .
[fb]502426[/fb]
طريقة عمل خلطة الفول - أحسن خلطة فول هتشوفيها في حياتك
هنقشر حوالي فصين أو تلاتة ثوم على حسب كمية الفول ثم نضعهم في الهون ونضع عليهم ملح وشطة وفلفل أسود وكمون ونقطع الفلفل الأخضر ونحطهم في الهون مع الثوم وندقهم مع بعض لحد ما يتهرسوا خالص ، نقطع ربع اونص بصلة أو بصلة كاملة برضه على حسب كمية الفول ونحطها في طبق مع بعض وبعدين نقطع الطماطم ونحطها في نفس الطبق مع البصل ونرش عليهم حبة فلفل أسود ونحط معاهم حبة خل ونعصر عليهم نص ليمونة ،
بعدين نحط طاسة عالنار ونحط فيها حبة زيت معقولين عشان ميكونش كتير في الفول ونحط فيهم الثومة اللي هرسناها مع البهارات وعلى نار هادية نقلب فيهم لحد لونهم ما يبقى دهبي أو يتغير شوية وبعدين نحط الطماطم مع البصل في الطاسة وخلي بالكم علشان هتطلع نار جامدة من الخل ومية البصل والطماطم اوعوا تخافوا وتقولوا حريقة هتنزل على طول بس لو حصل حاجة أنا مليش دعوة
وتقعدوا تقلبوا فيها شوية لحد الطماطم والبصل ما يتسبكوا وتبقى تمام وتشمي ريحتها المميزة هاتي #الفول وحطيه في الطاسة وخليه يتقلب مع الخلطة كويس أوي ودوقيه لو محتاج ملح أو حاجة عشان تكملي عليه ، هاتي بقى نص الليمونة اللي فاضل واعصريه فوقيهم ولو نقطتين خل كدة يبقى زي الفل وممكن تهرسوه وهو عالنار وتطلعوه وهو سخن وتقدموه للأكل وممكن تزيدوا شوية طحينة صغيرين بعد ما نحطه في الطبق وبالهنا والشفا ومش تنسوا تدعولي وقت الأكل ولما تسمعوا كلمة تسلم إيدك .[fb]502426[/fb]
[alt="طريقة عمل فول بالخلطة السحرية"]http://www.nmisr.com/imagehost/uploads/13772912311.jpg[/alt]