اسهل واجمل واطعم طريقه لعمل الحواوشى المصرى -طريقه عمل الحواوشى بالخطوات والصور - طريقه تحفه تجنن

بسم الله الرحمن الرحيم
السلام عليكم ورحمه الله وبركاته

الى كل اخواتى وحبايبى الحلوين اعضاء وزوارمنتدى نجوم مصريه والى كل اصحاب وعشاق اكلات الحواوش النهارده اختكم وحبيبتكم العسوله داليا جيبالكم اجمل واسهل واسرع طريقه لعمل الحواوش المصرى واليكم هذه الطريقه بالخطوات والصور يارب تنال اعجابكم



المقادير

نجيب لحمه مفرومه على حسب افراد العائله
ياعنى مثلا هنعمل كيلو وعلى حسب حشوك للرغيف هيعملك العدد




ونجيب البصل وعلى حسب رغبتك حطى بصل هنقول مثلا 4 بصلات كبار

واذا احتاجتى بصل حطى تانى متخفيش بيكون حلو




ونجيب فلفل حار واذا مابتحبوا الحار نجيب بارد





ونجيب بقسطات مطحون وممكن متحطيش لو مش حابه
هو بس بينفش اللحمه مابتبقاش مكتومه لو مش عايزه بلاش




ونجيب عيش بلدى من اللى هو العادى ولازم العادى




وملح + فلفل اسمر بس

ونبدأ فى الخلط

هاتى طبق كبير حطى اللحمه زى كده




وافرمى البصل زى كده




وحطيهم على بعض وحطى الفلفل بعد مايتقطع قطع صغيره والبقسماط وعليهم الملح الكافى والفلفل الاسمر واعجينيهم بأيدك لحد مايتقلب كويس

وهاتى رغيف وافتحيه من الجمب فاتحه صغيره بالسكينه او بأيدك وابتدى احشى اللحمه جوه الرغيف وهكذا لحد ماتخلص اللحمه والعيش وهاتى سمنه اى نوع بتفضليه وبلى اصابعك فيه وحطى جوه العيش بس مره واحده ومن فوق الرغيف بعد كده حطيه فى الفرن لحد ماتستوى اللحمه من بس مش كله حطى على صنيه فيها كام رغيف جمب بعض وبس ولما يطلع حطى غيره ومتغلفيهوش بورق الالمونيوم سبيه زى ماهو هيطلعلك بنفس الشكل كده



وبعدين هاتى مقلايه فاضيه حطى فيها شويه زيت اى نوع عندك صغيرين اوى

ياعنى زى دول او ااقل



حطى بقى الرغيف بعد ماطلع من الفرن يتحمر وحمريه من تحت كويس وارجع ااقلبيه وحمريه تانى وهكذا .....

وهيطلع بشكل ده وبألف هنا