الاكلة دى طبعا مصرية
ممكن نستخدم فيها اى سمك تانى زى البلطى او شبه البلطى
مقادير الوصفة
1 سمكة كبيرة
4 حبات بطاطس متوسطة
2حبة طماطم متوسطة
ليمونة كبيرة
2معلقة عصير لمون
2 معلقة زيت درة
3 فص توم مفروم ناعم
شوية بقدونس مفروم ناعم
معلقة ونصف كمون
ملح وفلفل
الطريقة
طبعا لازم السمكة تكون متنضفة كويس ومغسولة كويس وبعدين ننشفها بورق المطبخ كويس اوى
نشق ضهر السمكة كام شقة كدا
نجيب بولة صغننة ونحط فيها التوم والبقدونس وعصير الليمون والملح والفلفل والكمون ونخلطهم كويس ونحشى السمكة بيهم كويس اوى ومنحط فى الشقوق وكله
نحطها فى التلاجة ساعة تتبل
وبعدين نطلعها ونجيب صينية بايركس ونقطع البطاطس شرايح رفيعة ونحط عليها شوية من الخليط الى تبلنا بيه السمك
وشوية الزيت ونقطع الطماطم والليمونة شريح ونجطها فوق البطاطس ونحط السمكة فوق
وندخلها الفرن من 40 الى 50 دقيقة او لما تستوى كويس
ونطلعها ونقدمها مع رز صيادية وبالهنا
وهتطلع معانا بالمنظر دا
