مشادة نارية غير متوقعة على الهواء مباشرة بين الأعلامى عمرو أديب والمستشار أحمد مكى وتراشق حاد بالألفاظ بينهم
من المعروف بان الأعلامى الكبير عمرو اديب كان من المغضوب عليهم من النظام السابق نظام حسنى مبارك وايضاً نظام محمد مرسى وتعرض أكثر من مرة لمحاولة أغتيال ولكن الله خير حافظ وهو أرحم الراحمين ونعرف بأن عمرو اديب لاذع اللسان ولكن له ايجابيات كثيرة ولمن لا يعرفه فليتابع برنامجه القاهرة اليوم على قناة اليوم التابعة لمجموعة قنوات اوربيت الفضائية وهى للأسف من القنوات المشفرة وما حدث فى حلقة أمس وعلى الهواء مباشرة وما حدث خلال المداخلة الهاتفية الذى قام بها المستشار أحمد مكى وزير العدل السابق فى حكومة هشام قنديل فى عهد محمد مرسى بأن نشبت مشادة كلامية حادة بين الإعلامى عمرو أديب والمستشار أحمد مكى وزير العدل السابق بسبب قول مكى بإنه يرفض قرار النيابة بضبطه وإحضاره لسماع أقواله فى قضية تزوير انتخابات 2005 المشهورة والتى لاقت صدى ودوى هائل فى مجتمعنا المصرى يومها
فسأله عمرو أديب : يعنى انت مش هتروح يا سيادة المستشار ؟
فرد عليه مكى : وانت مالك يا عمرو ؟ انت مالكش دعوة بحاجة زي كدة أنا آخد قرارى فى ضوء الإجراءات والملائمات وأنا لى ملاحظات على قرار الضبط والإحضار .
فتعجب عمرو من حديثه وتسائل : هو ينفع قانونا يجيلك قرار ضبط وإحضار تقول رأيك فيه ؟ فقال له مكى : ايوة يجوز ولو ما روحتش يجى المنوط بالتنفيذ ياخدنى غصب عنى .
فقال له عمرو : يعنى انت عايز المشهد ده يحصل ؟
فرد عليه مكى : أه أنا نفسى يحصل وزير العدل السابق قال إنه يرفض قرار النيابة لأنه يراه قرار خاطئ .
فقاطعه عمرو ليسأله فأنفعل مكى عليه وقال ممكن أخلص الأول وبعدين انتوا بتدونى دروس التعامل معايا بهذه الطريقة مش كويس وهدده بإنهاء المكالمة .
فرد عليه عمرو بقوله سيادة المستشار إحنا مش النيابة علشان تهددنا عايز تقفل السكة اقفل السكة إحنا ما بنتهددش فى البرنامج العهد ده عدى وانت لم تعد وزيرا للعدل
فرد أحمد مكى وانا امتى هددت فى البرنامج وانا لما أهدد بقفل السكة ابقى كده هددتك ؟
