لكل بنت بتحب تعمل الاكل وعايزه تتعلم ازاى تعمل اكل جميل وباحتراف تابعى مواضيعنا فى قسم المطبخ
النهرده هنعمل النجرسكو بالفراخ بالخطوات المصوره خطوه خطوه علشان نسهلها عليكى وتعملى احلى نجرسكو
المكونات
250 جم مكرونة مسلوقة -1 بصلة شرائح - 1\2 كوب فلفل الوان مكعبات صغيرة-1\4 كوب زيتون اخضر حلقات - 1\4 كوب مشروم فريش او معلب -1\4 كوب نصف كيلو فراخ مكعبا -1 مرقة فورية
1\2 كوب موتزريلا - بهارات مشكلة
مكونات البشاميل:
2 كوب لبن -4 م ك دقيقة-1 مكعب مرقة - رشة جوزة الطيب - زبدة وزيت - ملح وفلفل
كريمة لبانى للوجة ( اختيارى )
طريقه الطبخ
احضرى طاسه او حله علشان نشوح البصلة فى زبدة وزيت حتى لونها يبقى ذهبى
ثم ضيفى الفراخ ونشوحها حتى تصبح 3\4 سوا ثم نضيف المشروم والزيتون والفلفل الالوان ونقلب جيدا ونتبلها بالمرقة الفورية والبهارات وملح وفلفل ونقلب حتى تمام السوا ونتركها لتبرد
طريقه عمل البشاميل
فى طاسه اخرى نضيف زبدة وزيت والدقيق ونقلب جيدا حتى يصبح لونه يشقر فقط دقيقة نضيف اللبن تدريجيا بعيد عن النار ( علشان ميكلكعش ويبوظ منك )حتى يصبح كريمى ونكمل كمية اللبن كلها على دفعات ونرجعة على نار هادية مرة تانية ثم نتبلة ونصيف جوزة الطيب ومكعب المرقة وفلفل وملح ان احتاج لاننا ضفنا المرقة ونطفى النار
طريقه تحضير النجرسكو مع البشاميل
فى قالب نضع كمية بسيطة من البشاميل ومن ثم المكرونة وفوقها بشاميل ونقلب جيدا نفردها نضيف فوقها خليط الفراخ بردو نساوية عشان يبقى سطحها مستوى عشان يثبت البشاميل عليها ونضع كمية البشاميل كلها ونغطى الاطراف كويس وفوقها الموتزريلا وبعين الكريمة ونفردها براحة
ندخلها الفرن على حرارة 200 لمدة ربع ساعة وبعدين على الشواية حتى يحمر الوجة
الشكل النهائى وبالهناء والشفاء
