السلام عليكم ورحمة الله وبركاته

اعضاء وزوار المنتدى الكرام حبيت اناقش معاكم مشكله منتشره فى كل بيت وبين معظم الازواج
وهى مشكلة عصبية الزوجه هتقلولى ما الزوج برضو بيكون عصبى ؟
دا صحيح بس عصبية الزوج دا شئ طبيعى او بمعنى اصح ان العصبيه منتشره فى الرجال اصلا بنسبه اكبرمن النساء فلما بتكون الزوجه عصبيه بيبقى هنا الوضع اصعب بكتير
بتنشأ للاسف بينهم مشاكل كتير ودا طبيعة الحياه الزوجيه لكن بيبقا فى الحاله دى مين اللى ممكن يمتص الغضب او يلطف الجو اذا كانت الزوجه تعانى من مرض العصبيه لانى انا بعتبره مرض لانه بمثابة البركان اللى بيفضل شاعل جوه الانسان ومش بيسيبه



انا اثرت المشكله دى بشكل خاص لانها الاساس اللى بيتبنى عليه مشاكل تانيه كتير
وخصوصا ان الزوج مش بيقبل على كرامته ان مراته تزعقله هو يزعق عادى لكن هى لا
طبعا انا عايزه اناقش الموضوع دا معاكم لعلنا نفيد او نستفيد او نلاقى حل للى بيعانى
من الموضوع دا
مستنيه ردودكم واللى عنده وجهة نظر او تجربه او حل للموضوع اتمنى يشاركنا

دمتم بود

فعلا مشكله كبيره العصبيه دى وخصوصا من الزوجه لان الراجل فى الغالب بيبقى عصبى ولو الزوجه مثله تبقى مشكله