عندما يزين بالالوان والصوص والكريمة تكون تورته تحفة لا مثيل لها اذا المهم نجاح عمل هذه الكيكة يجب اتباع المقادير والارشادات
لانها تعتمد فى الاساس على ارتفاعها وهو يعتبر هواء فلنجاح هذه الكيكة هو اداخال الهواء اليها جيدا وعدم خروجه منها حتى لا تهبط
فكرة البلون ولكن فى المخبوز
دي طريقه عمل الكيكة الأسفنجية بالصور و بالتفصيل الممل لعمل كيكة كبيرة
ملاحظات هامة
ويجب مراعاة الدقة فى عمل الكيكة الاسفنجية واستخدام الادوات الخشبية زى المعلاق فى التقليب وايضا استخدام الحلل الاستنلس فى مزج الخليط وايضا لاننسى اختيار مواد الرفع الخميرة يعنى وهنا الخميرة تكون بكم بودر من نوع جيد جدا ويجب ان ناخذ فى الاعتبار تاريخ الصناعة والانتاج يكون قريب والسكر يكون من نوع جيد وكذالك القيق الملاحظات دى هى اساس الناجح واخيرا
لو هتعملي صينية اصغر اقسمي المقادير للنصف
ملحوظة كلبوظةوانواع التورات تختلف من مناسبة لاخرى ولكن احنا بنعمل التورتة علشان الاولاد بيحبوها وتغنى عن شراء المنتجات المليانه مواد حافظة تؤذى اولادنا فى مقتبل العمر وبناء عليه حتكون التورتة من اجل عيون الاولاد وحسب تذوقهم لها وحبهم لها يعنى محبى الشيكولاته ازود شيكولاته محبى الكريمة والفانليا ما فيش اسهل من كده وممكن تزين بالواكه الكمبود اللى بنعمل ايضا منزليا
المقادير
10 بيضات (( تكون خارج الثلاجه ))
رشة فانيليا
1 ونصف مج سكر (( mug كوب كبير ))
2 كوب دقيق (( نستعمل نفس الكوب اللي عايرنا بيه السكر ))
منهم 2 ملعقه كبيرة نشا
و لو هنعمل كيكة شوكولاته نشيل ربع كوب دقيق و نحط بدالهم كاكاو
و نحط 1 ملعقه صغيره باكينج باودر
وننخل كل ده مع بعض اكثر من مره لدخول الهواء فى الطحين
الطريقه
1 -الأول نفتح الفرن علشان يسخن بس الحرارة تكون متوسطة
لازم مضرب كهربائي لأن من شروط نجاح الكيكة اننا نخفقها كثييير جداً
نحط ال 10 بيضات و رشة فانيليا و السكر و نخفق كويس لمده طويله
لحد ما يتغير لونها و ترتفع و تحسي انها جمدت شوية
2 - عند إظافة الدقيق ما نستعملش المضرب الكهربائي و نستعمل ملعقة خشب
أو مضرب بيض يدوي و نقلب في إتجاه واحد بشويش خالص
المهم ...الدقيق نحطه على 3 إو 4 مرات....نرش رشة دقيق و نقلب بشويش
من تحت لفوق و بعدين نحط تاني لحد ما المقدار يخلص
نيجي للنقطة المهمة جداً جداً
الصينية اللي هنخبز فيها - مقاس كبير ( 30 )
نحط فيها ورقه زبده و ندهنها زبده خفيفه
و نقطع ورق زبده شريطين يكون ارتفاعهم اكبر من الصينية و ندهن جوانب الصينية بالزبده ونحط الورق الزبده من الداخل
زي علشان الكيكة ترتفع و تاخد راحتها و ما تلزقش في الجوانب
نحط الخليط بالراحه و نخبط الصينية خبطه خفيفة علشان الهواء اللي فيها يطلع
ندخّل الصينية في الفرن في الوسط و نخللي الحرارة متوسطة لمده 10 دقائق و بعدين نوطي خااااااالص
علشان تستوي براحتها و ما نفتحش عليها لمده نص ساعه والا هتهبط منك ...بعد 45 دقيقه
ممكن نفتح باب الفرن مش للأخر ...يعني نفتحه حتة صغيره نشوف منها بس وش الكيكة
علشان لو فتحنا باب الفرن على الآخر الهواء البارد بيهبط الكيكة
وكمان نقفل الباب بشويييييييش خالص لنفس السبب
لحد ما نلاقي حروفها احمرت ((مش نسيبها تتحرق )) نحط سكين حاد فيها أو خلة إسنان خشب
لو طلعت نظيفه يبقى استوت خلاص...لو طلع فيها شوية عجين يبقى نسيبها تكمل
دي صورتها بعد ما استوت و نحطها على شبكة علشان تبرد من تحت كمان
و زي ما انتم شايفين ماشاء الله عاليه جداً جداً
للتزين الكيكة عاوزة تفعال علشان اكمل ايه ما فيش كلمة شكرا
تابعونى حكمل بكره علشان الكيكة تبرد فى البراد واعرف اقسمها كويس استننونى بلاش ترحوا الى قناة فتافيت ولا ام بى سى مطبخ حزعل اووووووو
افكار تزين التورته والجاتوه
