طريقتى المجربه لحفظ الليمون مع طريقه تفريزه

طبعا هاتستغربي وتقولي ازاي احفظ الليمون في الفريزر ده لما بنحفظه في التلاجه ممكن يبوظ ويحمض لكن انا هاقولك على كذا طريقه سهله وبسيطه تخزني بيه الليمون في الفريزر من غير مايحمض ولا يبوظ كمان وهاتستعمليه كأنك لسه مشترياه من السوق, كمان الليمون استعمالاته كتير خالص لايمكن الاستغناء عنها بتستعمليه في كل حاجه في البيت المطبخ ولبشرتك وللمواعين والحلويات والمشروبات والطبخ.انا بقى هقولك على

طريقتى فى حفظ الليمون لمده شهر فى التلاجه

بصى يا ستى هتجيبى الليمون اللى عندك وتشوفى اللمون اللى حاته كويسه يعنى مافيهوش غلطه وهتغسليه وتنشفيه كويس وبعدين هتجيبى برطمان نضيف وناشف وتحطى فيه الليمون وبعدين طيه واحفظيه فى التلاجه عادى
ودا شكل اخر لمونه فضلت عندى فى البرطمان وقعدت اسبوعين





ودى طرق تانى بس لسه مجربتهاش بس ناس كتيره جربتها ونفعت معاهم
اول طريقه: ممكن تحتفظي باليمونه بشكلها الطبيعي زي ماهيا تغسليها وتحطيها في اكياس في الفريزر وبكده هايكون طازج اول ماتحبي تستعمليه.
تاني طريقه: تبشري الليمونه وتحتفظي بالقشر في كيس في الفريزر وتعصري الليمون في قوالب التلج وتجمديهم وبعدين تجيبي القوالب دي بعد ماتتجمد وتحفظيها في كيس في الفريزر الطريقه دي هاتخليكي تطلعي مكعب ليمون على حسب الطلب واحتياجك.
تالت طريقه: هاتقطعي الليمون شرائح وتحطيها في صينيه وتحفظيها في الفريزر ولما تتجمد جمعيها في اكياس في الفريزر وبكده تضمني انها ماتلزقش في الصينيه.
يارب تكون الفكره عجبتكم ياحبايبي....