السلام عليكم ورحمة الله وبركاته

اعزائى زوار المنتدى الكرام
هقدملكم طريقه سهله وبسيطه تعملو بيها الزبادى فى البيت ومش لازم يكون عندك الجهاز اللى بيستخدم فى عمل الزبادى
الموضوع باختصار كالاتى :

المقادير :
كيلو لبن
علبة زبادى

الطريقه :
اولا : نجيب كمية اللبن حسب كمية الزبادى اللى عيزاها مثلا وهنشتغل دلوقتى على كيلو لبن ودا يعطيكى حوالى 5 ـ 6 كوب زبادى

ثانيا : تجيبى علبة زبادى والعلبه تكفى لعمل كيلو او 2 كيلو لكن لو اكثر يفضل تستخدمى علبة تانيه

ثالثا : هتبداى تغلى اللبن كويس جدا جدا يعنى تسيبيه يغلى حوالى نص ساعه او اكثر وتقللى النار خالص علشان ميكبش منك وعلشان تقدرى تسيبيه وتمشى متقفيش قصاده وبعد ما يغلى كويس ترفعيه من النار وتحطيه على طول اما فى ميه ساقعه يعنى تنزلى الاناء بتاع اللبن فى صينية ميه ساقعه او تحطيه فى الثلاجه براحتك

رابعا : اول ما يهدا اللبن ويبرد شويه تحطى علبة الزبادى وتقلبيه كويس عشان تذوب وبعدين تعبى اللبن فى كبايات وتحطى الكبايات دى فى نفس الصينيه اللى فيها الميه بس تكونى سخنتى الميه دى شويه يعنى متكونش الميه سخنه خالص لا تكون دافيه وتغطيى الكبايات كدا باى غطا علشان بس ميتلوثش

وتسبيهم كدا حوالى من 4 الى 5 ساعات هترجعى تلاقيهم مسكو زى الزبادى بالظبط وتشيليه بقا فى الثلاجه



وبالهنا والشفا
دمتم بود

طريقه روعه والجمل انها من غير جهاز

يسلموووو شكرا للتواجد

بجد طيقه تحفه يسلموووو