تعلمى التدبير كتير مننا بعد غلى اللبن ووضعه فى التلاجة بيعمل وش سميك احنا بناخده نعمل بيه ايه
الطرق القادمة كلها مجربة ومفيدة وموفرة واللى تجرب طريقة منهم تدعى لى كتيير بصلاح الاحوال ورضا ربنا عنى
بصى انتى لو عندك كتيير اضربيه فى الخلاط كويس اوىى علشان يتحول الى زبدة وبعد كده ضعيه فى حلة تيفال واغليه لغاية ما تلاقى فى وسط الحلة عين صغيرة كده والريم نزل اوسقط معرفش انتو بتسموه ايه المهم تتطفى عليه النار اوعى يتحرق منك واللى طلع ده بقى سمن بلدى احفظيه فى برطمان زجاج واستعميله فى الطبخ وقلى البيض
وش اللبن حيتعمل بية ايه
ممكن يدخل فى صناعة الحلويات يخفق جيدا ويضاف عليه السكر الناعم والفانليا ونستمر فى الخفق وتحشى به الكنافة والقطايف ويوضع فى قمع بالبلة ويجمل به البسبوسة
الجديد بقى انك تضيفه مقدار منه على كريمة الباشاميل وهى ساخنة بتخلى طعمه تحفة
اهم حاجة لازم تعرفى ان وش اللبن ده يسمى القشدة وحين تاخذيه اعلمى ان اللبن اصبح قليل الدسم
بعد ما تطفي علي الرز بلبن حطي معلقتين و قلبي و بعدين اغرفي في الأطباق ، بعد البسبوسة ما تبرد افردي طبقة علي الوش ، في البرد ده ممكن تعلميها ساندويتشات مع مربي أو عسل أبيض أو أسود أو حلاوة طحنية أو حتي سكر. لو عندك تمر تطلعي النواة و تحطي مكانها قشطة و آخر حاجة بتضربيه بالمضرب الكهربائي أو ملعقة خشب لحد ما يتحول لزبدة تكوريها و اللبن المنفصل ينفع في المخبوزات. .
القشدة لها استخدامات كتيير منها نك تضيفها على سندوتش الجبنه لو طعمه حاذق يخفف من حدته
ووممكن كمان تعملى منها قراقيش
بدل السمنه ممكن حبة زيت صغيرين بس
واعجنى بميه دافيه
وممكن عجينة البيتزا تطلع هايلة
وممكن احطها فى الكريم شانتية
وممكن كمان احطها على الجبنة الحادقة (جبنة المش القديمة) تخفف من ملوحتها شوية
او ممكن تاكليها مع مربى الفراولة بتبقى تحفة
|
