طريقة شوى الفراخ بدون شواية شوفى بنفسك

ست البيت الى نفسها تشوى فرخة لجوزها ولعيالها ومعندهاش شواية فى فرنها ونفسها تفرح ابو العيال والعيال
طب معهاش تجيب فرن بشواية ولا يهمك ابدا الحكاية سهلة جدا وبسيطة
ازااااااااااااااااااااااااااااى؟!!!؟
هقولك ازاى
هتجيبى فرختك وتتبيلها كويس اوى بالتتبيلة ومن تحت الجلد من قبلها بيوم بالليل بتبيلة عبارة عن بصلتين مبشورين ناعم وملح وفلفل أسود وملعقة زيت وملعقة خل وممكن طماطماية صغيرة ومعلقتين دبس رمان وحبة زعتر لو موجود وتبيتى الفرخة فيها من بالليل.....وبتجيبى الفرخة
وتجيبى ازازة حاجة ساقعة الصاروخ وتمليها بالماية

.وبتجيبى الفرخة وتلبسيها فى الازازة زى ما هتظهر فى

بس بتكونى مليتى الازازة مية وتوقفى الازازة فى صينية فيها مية وتدخليها الفرن على الرف اللى تحت بس تعمليها قبل الغدا بفترة عشان تستوى كويس ولما بعج حوالى ساعتين كدا تستوى وتجسيها تلاقيها بقت تمام تطلعيها فوق تشغلى الشواية اللى فوق تحمريها وبجد بتكون طرية والفراخ فيها عصارة وجميلة جدا وبكده مش تحتاجى فراخ مشوية من بره حتى لو مش عندك شواية متحركة..ودى شكلها فى الازازة بعد ما استوت واتحمرت