ازيكم يا حلوين وكل سنة وانتم طيبين متعودين منى على الافكار العسلية بتاعتى طبعا
هيا اكيد مش كلها بتاعتى بس انا بعد ادور واتفحص وجبتلكم معايا طريقة حلوة جدا لست البيت الى معندهاش كبة ولا مفرمة وعاوزة تفرم لحمة او فراخ عشان متتحرجيش وانتى بتستلفى من جارتك المفرمة او الكبة وعشان متكسليش ومتطبخيش الى نفسك فيه عشان معندكيش لا من انهاردة مفيش الكلام دا كله
معايا انا حلالة المشكلات كلها
وبطريقة سهلة وبسيطة جدا كل الى هتحتاجيه بورد الى بنقطع عليها اللحوم غير بتاعت الخضار طبعا ويستحسن تكون كبيرة
بنجيب اللحمة او الفراخ ونقطعها قطع صغيرة بالسكينة على اد ما نقدر وبعدين ندخلها الفريزر تتجمد شوية حوالى نصف ساعة وتجيبى مخرطة الملوخية المشهورة بتاعتنا وتنزلى خرط زى الملوخية وفى ايدك تنعمى وتخشني زى ما تحبى طبعا
وهتشوفوا عمليا الوقتى
فى الصور
