متى يبدأ طفلك الرضيع بشرب الماء

كل ام ولدت جديد واول مره بتبقى طبعا مش عارفه ازاي تتعامل مع رضيعها وخصوصا لو ولدت في فصل الصيف ناس كتير تقولها شربيه ميه وناس تقولها اوعي تشربيه ميه والام طبعا بتبقى محتارة ومش عارفه تعمل ايه هاقولك على \

راي الدكتور في انك تشربي طفلك امتى وايه الضرر في كده.

دكاتره كتير بينصحوا الامهات انهم يشربوا اطفالهم الميه في عمر ال 4 الي 6 شهور لما بتبدأ تاكل طفلها اكلات صلبه بجانب الرضاعه لان الفترة اللي قبل كده بتبقى فتره الرضاعه لازم الطفل يستفاد منها وطبعا بيبقى لبن الام كافي عن شربه الميه لانها ممكن تملى بطن طفلك فتخليه يمتنع عن الرضاعه, وكمان لو طفلك عند اسهال او قيء اوالجو حار اوعي تشربيه ميه لانه مش محتاج للميه في العمر ده وكمان ماتخافيش مش هايحصلوا جفاف لان الرضاعه كافيه بس كل اللي عليكي تعمليه هو انك تزودي عدد مرات الرضاعه عشان مايصابش بالجفاف ولو اتصاب بالجفاف طبعا اكيد الدكتور هايقولك تعملي ايه.

ولكن الدكتور بينصح في حاله واحده بس هي ممكن تشربي طفلك ميه هي لما يكون بيعاني من الامساك وده ممكن تشربيه ربع كوباية ميه على مدار اليوم.
وطبعا الكميه لمسموح بيها لطفلك في عمر ال4 الي 6 شهور هي 4 ملاعق كبيره ميه مع كل وجبه هياكلها.

اضرار شرب الميه للطفل حديث والولاده

وطبعا لوشربتي طفلك الميه قبل عمر ال4 شهور ممكن يتسبب في كثير من الاضرار هي:
ممكن يتعرض لفقدان في الوزن او العكس لانه بشربه للميه معدته هاتتملي ويكون رافض الرضاعه وكمان لبن الام هايقل, وكمان في ارتباط لاحظوه الدكاتره بين شرب الطفل الميه وبين اصابته بالصفراء وممكن كمان يصاب بتسمم الماء وهي حاله مش منتشره كتير بس دي سببها شرب كمية كبيرة من الميه وده طبعا بتعمل على طرد الاملاح من الجسم فيتعرض الطفل للتشنجات والغيبوبة.