البيــــــــــــــــــــــتزا
عشقى المعشوق انا بحب البيتزا جدا باى حشوة انهاردة عملتكم بيتزا بالتونة والجمبرى هتعجبكم اوى ومتنسوش انها عمايل ايدى قولوا رايكم بصراحة بقن
هنخش فى الموضوع على طول
المقادير
مقادير العجينة
دقيق
معلقة بيكنج بودر
بيضة
رشة ملح
رشة سكر
خميرة
زعتر
زبادى
ماء دافئ او لبن دافئ
3 معالق زيت
مقادير الحشو
جبنة شيدر مبشورة جبنة موزاريلا مبشورة
تونة
بصل مفروم
فلفل اخضر حلقات
فلفل احمر حلقات
شرائح طماطم رقية
مكعبات طماطم صغيرة
3معالق صلصة طماطم
ملح
فلفل
توم
الطريقة لعمل العجينة
بنجيب الدقيق ونحط عليه البيكنج بودر والملح والزعتر
ونفحر حفرة ونضع فيها بيضه مخفوقة مع فلفل اسود وملح
ونقلبها مع الدقيق كله ونحط الزيت ونبدأ نبس العجينة كويس بايدنا
وبنجيب بولة ونحط فيها اللبن او الماية الدافية والزبادى والخميرة والسكر ونقلبهم كويس اوى ونسيبهم عشر دقايق ونرجع لللعجينة ونبدأ نزود السوايل دى واحدة واحدة مع العجن
اول ما العجينة تتعجن كويس
وتلم معانا حلو هنسبها تخمر لمدة ساعة او ساعة ونص حسب ما تخمر يعنى لازم تكون فى مكان دافى
بعد كدا يعنى بعد ما تخمر نيجى على الرخامة ونبدأ نعجن فيها شوية حلوين ونسيبها ربع ساعة ترتاح تانى ونرجعلها بالنشابة ونبدأنفردها متكونش رقيقة اوى او سميكة اوى
ونحطها فى الصينية بس كدا
نيجى لطريقة الحشوة
الاول الصلصة بنجيب فص توم ونشوحة كويس وبعدين نضيف الصلصة او عصير طماطم ونسبكهم حلو
وندهن وش العجينة دى الصلصة
الحشوة بقى بنشوح بصله ونحط عليها فلفل اخضر مفروم وطمطام مفرومة وبعدين الجمبرى ونشوحه بس مش يستوى اوى ونحط ملح وفلفل وكمونة بسيطة ونطلعة فى طبق ونفس الطريقة التونة ونطلعها فى طبق تبرد ونرص شاريح الطماطم على البيتزا وبعدين الجمبرى والتونة ممكن يتخلطوا مع بعض او كل حاجة فى جمب يعنى تبقى البيتزا نصها جمبرى والنص التانى تونة
ونرص شرايح الفلفل والجبنة اخر حاجة ورشة فلفل اسود على الوش ومننساش الزيتون قبل الجبنة والفلفل
ونسويها على درجة حرارة 195 وهتلاقوا احلى بيزا
