طريقة عمل احلى الدونات-طريقة عمل الدونات-الدونات الهشه

كلنا بنحب الدونات وكمان ممكن نفطر بيها بتكون حلوة وبيحبها الاطفال جدا ومفيده ومذيه وممكن ياخدوها كمان معاهم المدرسه تعالي اقولك الطريقة ازاي.

طريقة عمل الدونات

_المكونات:
2 ملعقة خميرة فورية
ربع كوب ماء دافئ
كوب ونص حليب
نص كوب سكر
ملعقة صغيرة ملح
2 بيضة
تلت كوب سمن
5 كوب دقيق
زيت للقلي
_مكونات كريمة الدونات:
تلت كوب زبدة
2 كوب سكر ناعم
ملعقه ونص صغيرة فانيليا
4 ملاعق ماء ساخن
_الطريقة:
هاتجيبي طبق وتحطي فيه الماء الدافئ مع الخميرة وتخلطيهم كويس وبعدين هاتحطي الملح والسمن والسكر والحليب والبيض و2 كوباية دقيق وتخلطيهم كويس خالص وبعدين تحطي باقي الدقيق وتقلبي لحد مايكون عندك عجينه وبعدين هاتجيبي فوطه وتغطي العجينه لحد ماتتخمر, وبعد ماتخمر تقسميها لكرات وتجيبي النشابة وتبدأي بفرد العجينه وبكوباية مدورة عند ابدأي قسميها على شكل دواير واعملي حفره في النص وبرده تسيبيها لحد ماتخمر شويه لمدة 30 دقيقة, وبعدين تجيبي طاسه وتحطي فيها الزيت وتبدأي تقلي الدوانتس اللي عملتيها لحد مالونها يكون ذهبي.
_طريقه عمل الكريمه:
هاتسيحي الزبده وبعدين ضيفي ليها السكر والفانيليا وبعدين ابدأي بتغميس الدوانتس فيها وبنفس الطريقه اعملي الشيكولاته.