طريقه لذيذه جدا لعمل بسبوسه بالعجوه طعمها خرافه بجد

السلام عليكم ورحمة الله وبركاته

لاحلى بينات فى المنتدى جيبالكم اليوم طريقه روعه لعمل البسبوسه بالعجوه متاكده رح تعجبكم خالص بس تجربوها نخدل على المقادير والطريقه

المقادير :
كوب سميد اللى هو دقيق البسبوسه

كوب عجوة بدون نوى
3 ملعقة كبيرة لبن بودرة
ملعقة صغيرة بيكينج باودر
كوب ماء دافئ
½ كوب زيت
بيضة
فانيليا
مقادير الشربات:
كوب ميه
كوب سكر
عصير ليمونة
فانيليا
طريقة التحضير:




1- لتحضير الشربات، هاتي حلة وحطي فيها الميه والسكر وعصير الليمون وسيبىيه لغاية ما الشربات يعقد، وبعد كده ضيفي الفانيليا على الخليط وسيبيهم دقيقتين على النار واطفي عليه وسيبيه يبرد.
2- اخلطي كل مقادير البسبوسة -ما عدا العجوة- في الخلاط الكهربائي.
3- شيلي نصف كمية العجينة من الخلاط، وحطي العجوة مع النصف اللي في الخلاط واضربيهم تاني كويس.
4- افردي خليط البسبوسة والعجوة في صينية وبعدين حطي باقي كمية البسبوسة، وممكن تزينيها باللوز المقشر أو أي مكسرات عندك.
5- سيبي البسبوسة تخمر لمدة 5 دقايق، وبعد كده دخليها في فرن ساخن على نار متوسطة لمدة 30 دقيقة.
6- طلعي الصينية من الفرن وصبي عليها الشربات وقدّميه

دمتم بود