المقادير :
أى نوع سمك فيليه (بياض مثلاً) - عصير برتقال - ثوم مفروم - ليمون - معلقة بشر برتقال - نصف ملعقة ملح - ربع ملعقة كمون - زيت .
الطريقة :
نضيف الثوم المفروم على عصير نصف ليمونة والملح والكمون ونضيف عليهم بشر البرتقال ونقلب الخليط ده كويس جدا .. هانضيف الخليط ده ونضيفه على السمك الفيليه ونقلبه كويس بحيث أنه يتخلط بيه تماماً .
حانجيب طاسة فيها قليل من الزيت ونبدأ نشوح فيها السمك .. وبعد كده هانطلع السمك فى صينية ونرش عليه قليل من الثوم المفروم .
ودلوقتى ..هانضيف عصير البرتقال على صينية السمك ويكون تقريباً مغطى السمك ، وممكن نضيف رشة كمون على الوش . وندخل الصينية الفرن لمدة نص ساعة .
بعد خروج السمك حنلاحظ ان عصير البرتقال اتحول لصوص تحت السمك وطبعاً هايكون السمك اختلط تماماً بالعصير . ويقدم مع الارز والسلطة الخضراء .