ممكن تعمليلهم شرائح الخبز بالجبنة وده طبعا مفيد لان الجبنة بتحتوي على الكالسيوم اللي بيحتاجه طفلك وممكن تقطعي العيش على اشكال وتحطي عليه الجبنة اللي بيفضلها طفلك.
وكمان اصابع البطاطس المحمرة وطبعا البطاطس بتحتوي على الدهون وطبعا طفلك في السن ده بيبقى محتاج دهون بس ممكن تعمليها من غير ماتقليها وتعمليها بطريقة صحية وفي نفس الوقت اطفالك يستمتعوا ويستفادوا منها هاتجيبي البطاطس وتقطعيها اصابع وبعدين تجيبي الصينيه وتحطي فيها زيت وشوية ملح وملعقتين فيجيتار وتقلبيهم كويس مع البطاطس وتحطيها في الفرن لحد ماتحمر وتقدميها لاطفالك بطريقة صحية.
وكمان ممكن تجيبي انواع الفاكهة اللي بيحبها طفلك وتقطعيها على اشكال بحيث تجذب انتباه طفلك فتفتح نفسه وياكلها وهو مستمتع وفي نفس الوقت هاتمده بكتير من الفيتامينات والالياف اللي هيحتاجها جسمه.
وممكن تعمليله الخضروات مع الزبادي زي مثلا ممكن تجيبي الخيار وتقطعيه نصين وتشيلي القلب بتاعه وتحطي فيه زبادي وممكن كمان في الطماطم واي خضار وبكده هيستفاد من الخضروات وكمان الزبادي.
ممكن تعمليلهم فشار لانه مفيد جدا وبيشبع وكمان بيحتوي على الياف وبيقلل الاصابة بامراض القلب والسكر.
