اليوم نقدم لكم طريقة جديده و مميزه لعمل الكريب هذا الطريقه اهداء لكل ام لديها اطفال يحبون الشيكولاته و الموز نقدم طريقه جديده لتقديمهم لاولادك باستخدام الكريب. والكريب نوع من الكيك الرقيق من المطبخ الفرنسى و يتم عمله اما حادق او حلو واليوم نقدم لكم النوع الحلو .و هذه الطريقه افضل من المطاعم او شرائه جاهز طبعا مش محتاج نفكركم بالمخاطر و القلق من اى اكل جاهز و سريع من المطاعم او الشارع.
نتمنى ان تنال الطريقه اعجباكم
المقادير:-
2 بيضة كبيرة
2 كوب لبن
معلقه كبيره سكر
معلقه صغيره فانليا
رشة ملح
كوب و نصف دقيق
الحشو:-
موز
شكولاتة سايحة (يفضل المعده لان تدهن على الخبز مثل شيكولاته نوتيلا)
للتزييين :-
كريمة
نسكافية
شكولاتى مبشرة
الطريقة:-
هنضيف المقادير البيض اللبن و الزبدة و السكر و الفانيليا و رشة الملح فى الخلاط و نشغله على سرعه 2 لحد ما يصبح المكونات مخلوطه جيدا ثم نضيف الدقيق و نستمر فى الخلط حتى يصبح جميع العجين متجانس
بعد ما نخلص العجينه فى الخلاط و يكون متجانس هيكون الخليط سيكون سائل فهنسيبه فتره لحد ما يصبح ثقيل القوام
نضع العجينه فى التلاجه ساعه على الاقل او اكتر
هنجيب طاسة (مقلاة) يفضل التيفال و يمكن و ضع قليل من الزبد بها
هنقلب العجينه كويس و نجيب كوبايه و ناخد بالكوب ونضع فى الطاسه و نقلب الطاسه فى كل النواحى بحيث ان العجينه تتوزع بشكل متساوى فى كل الطاسه بحيث يكون شكله دائرى على قدر المستطاع
نصبر دقيقة لحد ما يبدا ينشف و يتلون الاطراف نرفع طرف و نشوف لو وصل للون المطلوب نقلب الكريب على الناحيه التانيه و نسيبه نص دقيقه
نطلع الكريب على ورق يتشرب الزيت ونسيبه لحد ما يبرد
فى نصه الكريبايه نحط معلقه من الشيكولاته السايحه و نكون قطعنا الموز قطع او دواير و نحط الموز فوق الشيكولاتة
نجيب طرفين الكريب و نقفلهم على الحشو ونقفله و نقلبه على وشه التانى
نجيب الكريمة و ممكن نرش عليها رشة كاكاو و رشة نسكافيه
و نقلب الكريمة بالاضافات اللى ضفناها علينا و نزين بيها الكريب حسب الرغبه كور دواير خطوط كما تريدين و يشتهيه اولادك
و ممكن ترشى فوق الكريمة رشة من الشكولاتة المبشورة
و بالهناء والشفاء