نكت مصريه 2014 :
احدث النكت المصريه 2014 القصيره و سريعه جدا يعني هتبوص تلاقي قبل ما تخش الموضوع الموضوع خلص خلاص من قصر النكت يعني نكت قصيره لدرجه انك ممكن متشوفهاش من الأرض و الجميل في النكت ده بقي ان كلها جديده 2014 و كمان مش هننسي اخوتنا العرب فا يا ريت اشوف بقي مشاركه معانا بنكت باللغه العربيه الفصحي عشان انا ضايع في العربي اصلا ياريت يا جماعه تشركونا بالنكت الي تعرفوها و لو واحد معجبهوش النكت بلاش يخش يحطمني يا ريت يكتب هو نكته مضحكه
عشان احني يا دوبك بنحاول نجمع كام نكته يكون فيهم انهم مضحكين في خلال سعتين لكن انا عارف ان في ناس اصلا مورهاش حاجه غير انهم قاعدين علي النت و الفيس بوك هو انا مش عارف ايه الفرق ما بين النت و الفيس بوك بس هي الناس بتفصل و بتحسسك ان الفيس بوك بيشتغل من غير نت "همممممممممممممممممم"
المهم في نكت جديده كمان بس مش قصيره هنا ممكن تتفرج عليها نكت مصريه 2014
ما علينا يا رجاله المسامح كريم خلينا بقي مع بعض نتفرج علي

نكت مصريه 2014 قصيره

[ALT="نكت مصريه قصيره 2014"]http://im35.gulfup.com/3RQpN.jpg[/ALT]

1. مره واحد شرب قهوه الكراسى وقفت فى زوره
2. واحد مدمن انترنت بيضطروا يدوله لنك فى الوريد ويشربوه شات بلبن
3. مره واحد حب يشتري فراخ فراح عند دكان الفراخ وقال للراجل لو سمحت انا عاوز فراخ فراجل ساله عاوزه مدبوحه ولا سليمه قاله سليمه فراجل قاله اطلع الدور التاني طلع الدور التاني فراجل تاني قاله عاوز الفراخ كامله ولا متقطعه قاله متقطعه فراجل قاله اطلع الدور التالت فراجل طلع الدور التالت فراجل تاني ساله عاوز الفراخ متكيسه ولا لا قاله متكيسه فراجل قاله بص احنا معندناش فراخ بس ايه رايك في النظام؟
4. مرة واحد كل لما يعدى من شارع يشوف واحد بيشرب سجارتين فساله مره ليه هو انا ليه كل لما اعدى من هنا اشوفك بتشرب سجارتين قاله اصل انا كان ليه واحد صاحبى متعودين ان احنا نشرب سجاير هنا وصاحبى ده سافر فانا بشربلى وبشربله بعدها بفترة صاحبنا ده عدا شافه بيشرب سجارة واحده فقاله انت بتشرب سجارة واحده ليه قاله اصل انا بطلت
5. مره اتنين في اخر الخدمه في الجيش .... الظابط: بيسأل الاول عندك كام سنه 30 يا بيه قعدت كام سنه في الجيش 3 يا بيه معاك شهاده حسن سير و سلوك ... الاتنين يا بيه خرج و قال لصحبه الاجابات 30 /3 الاتنين يابيه الظابط يسأل التاني : قعدت كام سنه في الجيش 30 عندك كام سنه 3 الظابط : مهو حاجه من الاتنين يا انت مجنون يا انا مجنون الاتنين يا بيه
6. واحد بيحب يلعب بلاى استيشين ابنة مات كتب على قبرة game over
7. مره واحد أهبل قال والله العظيم ما هنام الا اما اخلص اللبانه
8. اتنين رخمين اوي اتحكم عليهم بالاعدام فسألو الاول نفسك في ايه قال نفسي اشوف امي وبعدين سألو التاني نفسك في ايه قالهم نفسي متخلوهوش يشوف امه
9. مرة دكتور تحليل امة ماتت قال تحاليلي ياما
10. عيش بقى
11. مره واحد غبي اشترى لمبه مسمار دقها في الحيط
12. مرة واحد غبي راح للدكتور و قاله “كل منطقة في جسمي بتوجعني” كشف الدكتور عليه مفيش حاجة وجعته سأله تاني “فين المنطقة اللي بتوجعك”، قاله “هنا و هنا و هنا” و هو بيشاور بصباعه في كل مكان و قاله “بص يا دكتور حتي راسك بتوجعني” فاكتشف الدكتور إن صباع المريض مكسور
13. واحد بيستهبل اتجوز وحده بتستهبل ، خلفو واد … لما خرج عمل فيها ميت
14. مرة ديك بقول لفرخة تتجوزيني عرفي قلتلة ده بابا يدبحني
15. واحد سباك نفسه اتسدت غرقت الشقة
16. غبى شاف مقهى انترنت مكتوب عليه الساعه بــ 3 جنيه .... دخل يسأل هي ضد الماية ؟؟
17. واحد مجنون عمل باب زجاج.. . حط فيه عين سحرية.
18. مرة واحد عداه العيب خد اللي بعده.
19. كلب شوارع مر من جنب قسم شرطة شاف كلب بوليسي قال آخ يا ريت لو كملت تعليمي

نكت المصريه 2014 القصيره