السلام عليكم كلنا بنحب البليلة فهى اكلة جميلة ومغذية جدا خصوصا للاطفال الصغيرين وفى الشتا بتكون مهمة جدا ايام البرد والمدارس النهاردة هنعرف طريقتها وازاى نعملها فى البيت وتكون انضف واحسن من الجاهزة
المقادير نصف كيلو قمح- كيلو لبن- فانيليا- سكر
الطريقة
ننقع القمح قبلها بيوم وطبعا نغيرلة المية مية النقع اكتر من مرة وبعدين ناخد القمح اللى قمنا بنقعة ونغلية فى الماء لحد ما يقرب انة يستوى ومش هياخد وقت كتير لاننا قمنا بنقعة قبل كدة فيكون من السهل سلقة فى وقت اسرع بعد وصول القمح لدرجة انة يستوى نضيف اللبن والسكر حسب الذوق ونسيبهم يغلوا شوية مع بعض ونضيف الفانيليا عليهم والبليلة على النار اى على القمح واللبن وبعديت نصبها فى اكواب او اطباق زى ما تحبى وتمتعى باجمل طعم للبليلة السخنة وبالهنا والشفا