مشكلة الوزن الزائد او السمنة هى مشكلة كل بنت نفسها يبقى جسمها ووزنها مثالى وعايزة تحافظ على مظهرها وشكلها والمشكلة فى الوزن الزائد انه بيأثر على المظهر العام للجسم وبالتالى بيبقى مادة لسخرية الاخرين زى الاهل والاصدقاء عليكى وكمان لو كنتى متجوزة بيبقى دايما الموضوع ده على لسان جوزك او لو مخطوبة هتلاقى خطيبك دايما بيقولك حاولى تخسى حاولى تنزلى وزنك شوية وطبعا الكلام ده بيبقى محرج جدا ولان مشاغل الحياة كتيرة ومش بتلاقى وقت تروحى الجيم او تلعبى رياضة او مش بتقدرى تمارسى التماريت الصعبة للتخسيس او مش قادرة تنتظمى فى نظام غذائى معين نظرا لظروف ششغلك او ظروف تانية ولان الوزن الزائد لاغلب البنات بيبقى فى منطقة الوسط والبطن وعشان كل الظروف اللى شرحناها دورنا على طريقة تخسيس سهلة وبسيطة وبدون مشاكل وهى رجيم الرقص الشرقى ولانه هواية متعة للبنات فهو اسهل حاجة ممكن يعملوها وبيساعد رجيم الرقص الشرقى فى حرق 300 سعر حرارى واذا كان الرقص سريع يقدر يحرق 450 سعر حرارى فى الساعة وبالمقارنة بالجرى لمدة ساعة واللى بيحرق 500 سعر حرارى يعتبر الرقص الشرقى وسيلة فعالة للتخسيس وحرق الدهون .
ويعتبر الرقص هو ثانى احسن رياضة بعد المشى وبيساعد على سلامة القلب والعظام وبيخسس منطقة الوسط والبطن والارداف .
ومش شرط انك تفضلى ترقصى لمدة ساعة كل يوم ولكن خصصى لنفسك وقت كمثال 20 دقيقة فى اليوم للرقص او للرجيم بواسطة الرقص وبكده هتكسبى صحة وتخسيس وليونة لجسمك .
20 دقيقة رقص فى اوضتك هتديلك جسم متناسق وانوثة وليونة وهتحافظى على جمال جسمك