في حلول الاول ممكن نعملها قبل ده ماسكات وحاجات طبيعيه انا عارفه اننا كلنا بنضيق من فكره الوقت والحاجات الي بطول وعايزين ننام نقوم نلاقي كل حاجه تمام بس معلش هنعمل ايه في حاجات لما نسبها تاخد وقتها بتبقه النتيجه احسن وصحي للبشره كمان وبننبسط بيها هنبتدي باول ماسك
ماسكات طبيعيه لحب الشباب والمسامات الواسعه
-ماسك النشا :- الماسك ده كويس لحب الشباب وكمان للمسام الواسعه ومنظف كويس قوووي للبشره - معلقه كبيره نشا - ميه دافئه ممكن نقطتين - زيت زيتون نقطتين هنخلط المكونات دي ونحطها علي البشره ونسبها مده نص ساعه ونشطفه بعد كده بالميه الدافئه بعد كده الساقعه ونستخدمه مره او مرتين في الاسبوع وهتلاحظي الفرق بعد كده
- الطماطم والليمون :- ماسك للبشره الدهنيه وبتبقه قابض للمسام الواسعه وكويس جدا ممكن ناخد جزء من الطماطم ونحطها علي البشره ونسبها تنشف لمده ربع ساعه ونشطفه ده حاجه بسيطه جدا اننا نلتزم بيها ونعملها ونتيجتها حلوووه قوووي وانا من الناس الي ملتزمه بده قوووي علشان موجود ديما عندي وكمان بشرتي دهنيه وبجد فرق كويس قوووي والليمون نفس الحكايه .
- استخدام ماء الورد: قطنه ونمسح بيه الوجه كويس قوووي او كمان نستخدم الاسبري ماء الورد علشان نرش بااستمرار علي الوجه ونسيبه لحد ما تشربه البشره وننام بيه عادي كويس قووي للبشره
- الخس الطازه :- تعصريه بعد كده تصفيه كويس قووي وتحطيه علي بشرتك لمده 15 دقيقه بس وتغسليه باميه ساقعه وتستخدميه مره في الاسبوع هتحسي بالفرق
معلومات مهمه للبشره
:- - الاهتمام المستمر بالبشره وانك تعملي ليكي روتين يومي للعنايه بالبشره وتنظفه بتقلل من حاجات كتييير معاكي علي المده البعيد وكمان بتخلي بشرتك صافيه ونضره بااستمرار اختاري الي يناسبك والتزمي بيه طول عمرك هتخلي بشرتك شباب بااستمرار ونظيفه كمان اختاري غسول ومنظف وماسكات ثابته معاكي ومناسبه لنوع بشرتك - ممكن تعملي كل 15 يوم تنظيف في الكوافير بطلعلك الاتربه والتراكمات الي بتبقه موجوده في المسام واستخدام جهاز البخار مهم جدا وتقشير البشره التنظف والاهتمام المستمر بيخلي المسام اضيق والشكل افضل بكتيييير