الوزن الزائد او السمنة من اهم المشاكل اللى بتواجهنا فى مصر دلوقتى وتعتبر مشكلة السمنة مشكلة عالمية مبتفرقش فيها الدول لان الناس فى الدول النامية او الدول المتقدمة بيصابوا بالسمنة وعشان كده تلاقى برامج التخسيس والرجيم وانواعه ليها برامج بكل لغات الدنيا وكمان بقى ليها دلوقتى برامج مسابقات على الميديا العالمية زى برنامج the big loser والبرنامج ده مشهور جدا ويعتبر من انجح البرامج وبيعتمد على اختيار ناس عندها سمنة وبيتعمل معاهم فترة معايشة واللى بيخسر اكتر من وزنه هو اللى بيكسب عشان كده سموه الخاسر الاكبر وطبعا البرنامج ده فى منه نسخة عربيه اسمها الخاسر الاكبر . ويرجع سبب السمنة الى قلة الحركة عشان كده السعرات الحرارية مش بتتحرق وبتتحول الى دهون فبنلجأ الى برامج الرجيم ودلوقتى فى موضوعنا هنقدم لكم 6 نصائح هتساعدكم على انجاح الرجيم لان اى رجيم بيعتمد على الحرمان ولكن النصائح دى هتخلى الرجيم بدون حرمان ومستمر على طول .
1 - ابعدى عن فكرة ان فيه رجيم مثالى بيخلصك من كل المشاكل لان كل المشاكل انتى بارادتك تقدرى تخلصيها .
والموضوع ده فيه نصيحة مهمة جدا عشان تخسى :
2 - لما تحسى بالجوع ابعدى تفكيرك عن الاكل وحاولى تحسى ان ده شعور جسدى وان جسمك هيحتاج طاقة عشان كده هيحرق الدهون .
3 - بطلى اكل لما تحسى ببداية الشبع مش لما تخلصى الطبق كله .
4 - اذا حسيتى ان ليكى رغبة فى الاكل حتى وانتى شبعانه حاولى تفكرى فى اى حاجة تانية او تلهى نفسك باى موضوع .
5 - اذا حسيتى بالجوع متفكريش ان في اكل حلو واكل وحش لانه كله اكل بيأدى الغرض عشان متحسيش انك محرومه من حاجة .
6 - اذا كان السبب للجوع شيىء عاطفى زى التوتر حاولى الاسترخاء للتخلص من هذا الشعور .
