بحضر الكبدة الشرايح بتاعتي واحطها فى بولة واغسلها بماية وخل
وبعدين اصفيها كويس واجيب بولة تانية اعمل فيها صوص
عبارة عن
معلقة مسطردة
صوص الباربكيو
صويا صوص
ورشستر صوص
بحط من كل صوص من دول شوية صغيرين عشان مفيش حاجه منهم تغطى بطعمها على باقى الصوصات
ومش بحط ملح خالص ولا فلفل لأن الصوصات اصلا فيها توابلها
وبعدين بسبها حوالى نص ساعه فى التلاجة
وبعدين بحط الطاسة الجريل اللى بتتحط على النار وبدهنها بالفرشة زيت
وبنفض شرايح الكبدة من الصوص عشان الصوص ميتحرقش
وبنزل الكبدة على الطاسه الجريل
واقلبها كل ما تاخد لون
وقدمتها جنب مكرونة سباجيتي
ودي طريقتها سهله جدا وسريعة
وبألف هنا