كيلو لحم بوفتيك تبلته بملح وفلفل ومية بصل ومعلقة خل وزبادي
وبعدين جبت ورقة فويل كبيرة ودهنتها زيت ورصيت فيها اللحمة جنب بعض بدون فراغات وبعدين قطعت عليها شرايح طماطم وبصل وفلفل اخضر وصبيت عليهم باقي تتبيلة اللحمة
ولفيت الفويل كويس و قفلته
وفي صنية ومعاه شوية ميه صغيرين وعالفرن وكل شوية ازود المية لمده تﻻت اربع ساعه تقريبا
والخضار كوسة وجزر وفلفل اخضر شرايح وبسلة ومشروم اخدته تشويحه بسيطة بمعلقه زبده
وبعدين شلت الفويل وحطيت الخضار معاها ياخد الصوص واللحمة تتحمر
