السلام عليكم ورحمه الله وبركاته
اهلا وسهلا بكل الاعضاء وزوار منتدى نجوم مصريه واهلا بكل عشاق اكلات الكفته النهارده جيبالكم طريقه لذيذه لعمل الكفته وتعتبر كفته داودا باشا من الاكلات المغذيه والمحبوبه والمفضله لدى الكبار والصغار يالا شفوها وجربوها وان شاء الله هاتعجبكم جدا واليكماجمل واسهل واسرع وصفه لعمل كفته داود باشا بالبطاطس والارز الاصفر بالخطوات والصور يارب تنال اعجابكم ورضاكم
المكونات:-
ربع كيلو لحم مفروم+حبه بطاطس +بصله مبشورة +فلفل اسود وبهارات+صلصلة طماطم+ارز مصري+كركم+زيت للتحمير+بقسماط مطحون
طريقه الاستعمال :-
1- نبشر البصل والبطاطس ونعصرهم كويس من المية .
2-نضيف اللحم المفروم والبقسماط (2 معلقه كبيرة)
والفلفل الاسود والملح والبهارات ومعلقة الصلصة ومعلقة صغيرة بيكينج بودر ونخلطهم كويس.
3-نعمل خليط الكفتة كور متوسطة الحجم وندخلهم الفريزر نص ساعه .
4-في الوقت دة نحضر الصلصة بالطريقة العادية
(بصل مفروم ونحمرة في شوية زيت بعدين نضيف صلصة الطماطم
مع طماطم مضروبة ونسيبهم على النار يتسبكو شوية) .
نعمل الارز الابيض المصري العادي بس لما نحمرة نضيف علية معلقة كركم ونضيف المية والملح والمرقة ونسيبة يستوي .
5-نطلع الكفتة ونحمرها في زيت غزير ونطلعها نحطها على ورق المطبخ عشان يشرب الزيت الزيادة
وبعدين نحطها في صلصة الطماطم الي سبكناها نسيبها تغلي شوية وبعدين نطلعها نقدمها مع الارز والسلطة الخضراء
وبالهناء والشفاء
