المقادير :
بطاطس مهروسة + سجق + بصل مقطع حلقات + فلفل ألوان أو فلفل أخضر كُبى + بيضة + ملح + فلفل أسمر + كمون + بقسماط ناعم + دقيق + زيت .
الطريقة :
- نحضر البطاطس المسلوقة ونهرسها كويس جدا ونتأكد أنها أصبحت تشبه العجينة وأثناء الهرس نتبلها بالملح والفلفل والكمون .
- نحضر طاسة ونضع فيها قليل من الزيت ونضعها على النار ونضع البصل ونشوحه كويس ونضيف إليه الفلفل الألوان وقلقل من الملح ويقلب إلى أن يذبل ثم نضيف إليه أصابع السجق ونسيبه يستوى شوية .
- ودلوقتى حانجيب البيضة ونضيفلها قليل جدا من الملح والفلفل ونضيفلها شوية لبن أو ماء صغيرين جدا ونضربها كويس . ونجيب طبق فيه شوية دقيق وطبق أخر فيه شوية بقسماط ناعم .
- ودلوقتى بعد ما خلطة السجق استوت عالنار وسبناها تبرد شوية هانبدأ نحشى البطاطس المهروسة بخلطة السجق على هيئه أصابع من البطاطس .
- نضع كل اصبع من البطاطس فى الدقيق وبعدين نغرقه شوية فى البيضة وبعدين يوضع فى البقسماط الناعم . ويفضل ان تترك الأصابع بهذه فى الثلاجة لمدة نصف ساعة للتماسك قبل التحمير فى الزيت .
- نبدأ نحمر أصابع البطاطس فى الزيت مثل البانيه تماماً لغاية ما يبقى لونها دهبى .
وتقدم مع سلطة خضراء وبالهنا والشفا
