كل عام وانتم بخير
طبعا اليومين دول موسم القرنبيط الطبيعى الجميل وفى احلى اوقاته وطبعا لازم نستخمه ونعمله بكل طرقه والشائع فى طهى القرنبيط اما مع الخضار السوتيه وزيت الزيتون والثوم او القرنبيط بالصلصة او القرنبيط بالبشاميل والعصاجوطبعا اشهر وصفاته القرنبيط المقلى ودا الى هنكلم عنه انهاردة معظمنا بيعمله بالطريقة التقليدية وهيا القرنبيط البانيه بيض وبقسماط وكدا يعنى لكن الطريقة دى بتستهلك بيض كتير جدا وكمان محتاجة مجهود وبتوسخ مواعين كتير وكدا يعنى وكمان البقسماط بيتحمر بسرعة كدا وممكن يكون القرنبيط مستواش لسه تعالوا معايا هوريكم الطريقة الجميلة بتاعتى هيا مش بتاعتى انا طبعا فى ناس كتير بتعملها
المقادير
ربع قرنبيطة كبيرة مقطعة ومسلوقة نصف سلقة فى ماء مغلى ومعلقة ملح وملعقة كمون
بيضة واحدة
نصف فنجان صغير لبن
معلقتين كبار دقيق
ونصف ملعقة بقسماط (يمكن الاستغناء عنه)
توم
كمون
ملح
وفلفل
وزيت غزير للقلى
شبت وكسبرة خضراء للتزيين
الطريقة
بنجيب بولة كبيرة نضع البيضة واللبن والملح والفلفل والكمون والتوم المفروم ونضربهم كويس جدا بالشوكة او الويسك وبعدين ننزل الدقيق والبقسماط ونضرب لحد ما يكون قوامه حلو كدا هنقوم جايبين القرنبيط ونغمسه كويس فى الخلطة ونسيبهم ساعة او اتنين بالكتير بياخد الطعم وبيبقى تحفة كانك بتبليه بجد بيبقى مختلف جدا
وبعدين تقليه فى زيت غزير وبيقى قشطة كدا