السلام عليكم ورحمه الله وبركاته
لكل الاعضاء وزوار منتدى نجوم مصريه الكرام والى كل حبيبين الكيك النهارده ان شاء الله جيبالكم طريقه عمل الكيك بالبرتقال الهشه الجميله ويعتبر كيك البرتقال من انواع الحلويات اللذيذه والمفضله والمحبوبه لدى الكبار والصغار وهذه الطريقه بخطوات سهله وبسيطه جدا وغير مكلفه واليكم اجمل واطعم طريقه لعمل كيك البرتقال من مطبخى بالخطوات والصور يارب تنال اعجابكم ورضاكم
ده شكل الكيكة النهائي بعد التقطيع . هشة وخفيفة وتجنن ....
2 كوب دقيق فاخر .
2 ملعقة صغيرة باكنج باودر
قشور برتقال
1 ملعقة فانيليا
رشة ملح صغيرين
1 كوب سكر
3/4 كوب زيت
1/4 1 كوب عصير برتقال متصفي
4 بيض حجم كبير ولو الي عندك صغير يبقى حطي 5
وحنحتاج إلى صينية لخبز الكيك اعمليها في صينية مربعه دي ودهنتها بحبة زيت وبطتنتها بورق الزبدة. وممكن تدهنيها زيت وترشيها بالدقيق برضو. وممكن تستخدمي أي فرمة تحبينها سواء مدورة أو على شكل وردة أو مفتوحة من المنتصف . زي ما تحبي .
طريق عمل الكيكة
في الأول ننخل الدقيق ونحط علية الباكنج باودر ورشة الملح وحنط معاهم الفانيليا ونسيبهم على جنب .
وفي خلاط العصير نحط البيض والسكر ونخلطهم كويس لحد ما السكر يذوب . نحط قشر البرتقال والزيت
ونحط برضو عصير البرتقال . ونخلطهم كويس لحد ما قشر البرتقال تبقى حتت صغيرة مش باينة .
وده شكل الخليط . حنلاحظ اني قشور البرتقال مش باينة خاص . بس ريحتها طالعة بطريقة رهيبة . حنصب الخليط ده على خليط الدقيق والبكنج باودر والملح .
نقلب بالشريط وحيبقى قوام خليط الكيك كثيف بس بينزل بسهولة .
نصبة في الصينية .
طريقة الخبز :
طريقتي في الخبز هي . أولع الفرن على حرارة 190 ولما يسخن أحط الكيكة وأسيبها لمدة 10 دقايق بعدين أوطي النار على 140 وأسبيها 25 دقيقة . حتكون اتحمرت من تحت أولع الفرن من فوق علشان تحمر . وده شكلها بعد ما خرجت من الفرن .
وده شكلها شايفين الجمال . هشة ولذيذة جدا ً.
وده شكل طبق كيك البرتقال الهش .
