طريقة عمل القرص الطرية (الفلاحى)

القرص الشرقيه الجميله يلا بقى نعمل القرص النهارده ب انا جيبالكوا معايا طريقة القرص وهى كمان من اجمل المعجنات وكمان تنفع فى الحفلات واعياد الميلاد وكمان الافراح يعنى تسد فى اى مناسبه عندك المهم بقى يا بناويت ان انا جيبالكوا طريقه سهله جدا ومفصله وان شاء الله تكون سهله عليكم جميعآ وتعجب كل اللى ياكل منها اهم حاجه يا يا بناويت المقادير تكون صحيحه وتكفى عايزه تعملى كام صينيه وكمان السكر يكون مظبوط عشان القرص تبقى كويسه معاكوا وعلى فكره مقاديرها مش غاليه زى ما انا دايما بجيب اكلات موفره يلا بقى نجهز مقاديرنا ونشتغل بسم الله


القرص الطرية (الفلاحى)
ياريت كلنا تعمل شير لاصحابنا عشان يتعلموها ونستمر معكم

المقادير
كيلو الدقيق
ربع كيلو سمنه بلدى سايحة او زبدة
فنجان زيت
نص كوب سمسم
معلقتين كبار خميرة
2 فنجان سكر
وبعجن بحليب او ممكن لبن راايب
سمسم لتزين الوجه
الطــــريقـــــة

اولا بخلط الدقيق بالسمنة المقدوحة
مأدوحة يعنى تسيحى على النارلحد ماا تتسيحى خالص وتبقى داخله ثم نضعهم فى العجانة وبعدين بتضيفى الخميره والسكر والسمسم وبعدين الحليب وتفضلى تعجنى كويس لحد ما العجينة تتلم كويس ومتلزقش فى ايديك وبندا نشتغل بالعجينة على طول
مش بنسيبها ترتاح
نقطعها ونكورها ونفردها ونرش ع الوش سمسم ونسيبها تخمر ساعتين فى مكان دافى وندخلها فرن حامى
بشغله على درجة حرارة200 وبشغل من تحت فى الاول وبعد او خمس دقايق بشغل من فوق
وبتاخد كلها على بعضها تقريبا من 12 دقيقه ل 15 دقيقه