الكابوريا
كيلو كابوريا بصل حلقات ملح كون شطة عصير لمون زنجبيل
هتتبلى البصل بكل التتبيلة وعصير اللمون وترصيهم فى صنية وعليها
الكابوريا وتعصرى لمون تانى على الوش مع رشة ملح وتغطيها وتسيبيها تتبل شوية نص ساعة مثلا وبعدين نرفعها على النار وهى مش بتاخد وقت خالص لحد ما تتحول للون الاورونج زى كده
اما بقى طريقة الجمبرى
بنغسل الجمبرى عادى بمية ودقيق ونصفيه بالمصفى ويتبل بملح وكمون وشطة او قرنين فلفل حار وزنجبيل وعصير لمون ونسيه ساعة فى التتبيلة
وبعدين خلو بالكو من الخطوة دى هنخلط دقيق مع شويية نشا صغريين مثلا ملعقتين كبار ونبدر فيها الجمبرى ونفرده على صنية بحيث انه ميكونش فوق بعضة ولو مفيش مكان نعمل طبقتين فوق بعض يفصل بينهم كيس بلاستيك وع الفريز ساعة بعد كده لما نطلعه هنحس انه مبلول شوية ننزل بيه تانى فى نفس الدقيق والنشا ويطلع فى مصفاة للتخلص من الدقيق الزيادةوع الزيت السخن على طوووول ومن الزيت على مصفاة تانى يصفى الزيت
ملحووووووظة انا عملت مع الجمبرى كاليمارى لاحظو الحلقات اللى مع الجمبرى بنفس الطريقة ومعاه من الاول فى نفس التتبيلة والف هنا وشفا
