اهلا وسهلا بكل الاعضاء وزوار منتدى نجوم مصريه الكرام واهلا بكل اصحاب وعشاق الكبده فالنهارده ان شاء الله جايب لكم طريقه عمل كبدة اسكندرانى ومكرونه روعه وتعتبر هذه الاكلات من اكلات المحبوبه والمفضله لدى المستهلك واليكم اجمل واطعم طريقه لعمل ثلاث اصناف من الاكلات الجميله والمرغوبه بالصور والخطوات يارب تنال اعجابكم ورضاكم
أول صنف : كبده
المكونات :
1: ربع ك كبده ( أى نوع كبده جملى عجالى اللى تحبوه
2: ( ملح وفلفل أسمر وكمون ) بقدونس مفروم
3: 5 فصوص ثوم
4: مقدار ملعقه كبيرة زيت
الطريقة :
1: نضع الزيت والملح والفلفل والكمون والثوم فى وعاء
2: نضع الكبده على التتبيلة
ونقلبهم ونسيبهم حوالى 5 دقائق او اقل
3: نضع الطاسة فاضية على نار متوسطة
4: نضع الكبده بالطاسة ونحمرها على الوجهين
وبعد ماتوصل للون ده نحط ربع كوب ماء علشان تعمل صوص ونسيبها دقيقتين بالظبط على النار
وبعدين نقدمها
تانى صنف كبده أسكندرانى
المكونات :
1: ربع كبده مقطع شرائح رفيعه او مكعبات صغيره
2: بقدونس _ ( ملح وفلفل اسمر وكمون)
3: 5 فصوص ثوم
4: بصلة صغيره
5: حبة1 طماطم
6: فلفل اخضر
الطريقة :
1: نقطع البصل لقطع صغيرة جدا ونقطع الثوم او افرمية او ممكن تعمليه بالسكينة ونقطع الطماطم قطع صغيره
2:نضع الطاسة على نار متوسطة ونضع بها ملعقه سمن
3: نضع البصل والثوم والطماطم والفلفل الاخضر
ويادوب البصلة بس لونها يصفر
4: وبعدين نضع الكبده ونقلب وبعدين الملح والفلفل والكمون والبقدونس
ونتركها 15 دقيقة او 10 دقائق على النار
وتقدم
3: مكرونة أسباجتى بالجبنة الرومى
المكونات :
نص كيلو مكرونة اسباجتى
قطعه جبن رومى مبشورة
الطريقة
نضع ماء وزيت وملح بوعاء ونتركة على النار حتى الغليان
ثم نضع المكرونة به لحين النضح
وتصفى تحت الماء البارد
وتقدم فى طبق وعليها من فوق جبنه رومى أو أى نوع جبنه انتى تحبيه
مده الطهى : نصف ساعه أو اقل لل3 أصناف