السلام عليكم ورحمه الله وبركاته
لكل الاعضاء وزوار منتدى نجوم مصريه الكرام والى كل عشاق وحبيبين اكلات المحشى النهارده ان شاء الله جيبالكم من مطبخى الخاص اسهل طرق عمل المحشى بكل انواعه ( ورق عنب - كرنب- طماطم حمراء- فلفل رومى - كوسه - باذنجان ) وهذه الطرق سهله وبسيطه جدا ويعتبر المحاشى بكل انواعها من الاكلات المغذيه والمفضله والمحبوبه لدى الكبار والصغار واليكم اجمل واسرع واسهل طرق لعمل المحشى بالخطوات والصور اتمنى ان تنال اعجابكم ورضاكم
مكونات الحشو
ارز
عصير طماطم
خضرة المحشى ( بقدونس ، شبت ، كسبرة خضرة )
بصل - ملح - فلفل اسود- بهارات
انواع المحشيات
ورق عنب مسلوق
كرنب مسلوق
باذنجان ابيض
كوسة
فلفل رومى
طماطم جامدة جدا للحشو
طريقه الاستعمال
بصوا بقى انا بعمل حاجة لما باجى اعمل المحشى
هى انى مثلا الفلفل ارصة فى الحلة اللى عايزة اعملة فيها قبل ما احشية علشان ما تفاجأش ان الحلة ناقصة او زايدة ولما اجى احشى اخد واحدة احشيها واحطها مكانها واخد غيرها وهكذا ...
ونفس الشىء للطماطم....
والكوسة والباذجان فى صينية واحدة
نيجى بقى لطريقه خلطة المحشى ...
بنبشر بصلتين ونشوحهم فى الزيت ...
ولما يصير لونها ذهبى بنضيف عصير الطماطم ...
ونسيبها لغاية ما تتسبك و نكون قطعنا خضرة المحشى ونقلبها فى التسبيكة وبعدين نضيف الارز بعد غسلة وتصفيتة جيدا من الماء ثم نضيف الملح والفلفل الاسود والبهارات ونقلبهم جيدا ..
ونبدأ بالحشو الفلفل بكون شايلة القمع بتاعة والطماطم بقطع الغطا بتاعها من فوق بس بسيب ماسك فيها وبمعلقة صغيرة اطلع اللى جواها ...
ورق العنب والكرنب
وانا اقوم اسوى على النار بعد ما بسقية بعصير طماطم مخفف بالماء ومملح ...
الكوسة والباذنجان بدخلهم الفرن ...
واتفضلوا بالهنا والشفا
