طريقة عمل كيكة الليمون

السلام عليكم ورحمة الله وبركاته
الوصفة دى طبعا انا جربتها وبحبها جدا لان انا بصراحة بعشق الليمون كيكة جميلة اوى وطعمها تحفة بجد انا بهدى الوصفة دى لكل الموجودين بنجوم مصرية الليمون طبعا من الحوامض المفيدة جدا والغنية بفيتامين سى بشكل كبير جدا الى بينفعنا فى نزلات البرد والانفلونزا لانه تقريبا اقوى الفواكه الى بيوجد فيها فيتامين سى
والكيك دى بجد طعمها مميز ومزز جدا وحلو اعملوها هتعجبكم اوى
نتكلم عن الوصفة من طريقة الشيف نجلاء الشرشابى من برنامج على اد الايد قناة سى بى سى سفرة قناة الطبخ الاولى المصرية

مقادير كيكة الليمون
2كوب دقيق
معلقتين بينج بودر
معلقتين بشر ليمون
رشة ملح
1 كوب سكر ناعم
4 بيضات
2 ملعقة عصير ليمون

الصوص الى هنسقيها بيه


1/4 كوب عصير ليمون
3/4 كوب سكر بودرة
1 ملعقة زبدة
فانيليا

طريقة العمل
كيك الليمون

إخلطى بشر الليمون و البيكنج بودر ورشة الملح مع الدقيق ثم إخلطى السكر مع الزبدة و البيض.
ضعى عصير الليمون مع التقليب الجيد ثم ضعى الخليط فى صينية مدهونة و ادخليها فى فرن ساخن 170 درجة لمدة 25 دقيقة .
قومى بعمل الصلصة بوضع جميع مكوناتها فى كسرولة على النار حتى الغليان و تسوى لمدة دقيقة .
بعد تمام نضج الكيك قومى بعمل ثقوب بها ثم ضعى الصوص عليها.
تقدم ساخنة.
وبالف هنا وعافية عليكم