عن المخترع الصغير عبد الله عاصم ابن اسيوط الذي تأجل سفره للكثير من الوقت بسبب الشك فى انه يرجع لجماعة الاخوان الارهابية وعند سفره تحدث العديد من الاعلاميين عن الرئيس المصري وعن مدي اهتمامه بالمخترعين والمبدعين وهذا ما حدث فعلا فى كل القنوات الفضائية ومع جميع الاعلاميين .
وعندما قرر المخترع المصري الصغير بأنه يخاف ان يرجع مصر جائت العديد من الفضائيات لتتحدث عن هذا ولكن بطريقة مختلفة جدا بطريقة انه لا يحب هذه البلد ولا يود ان يأتي بها ليفعل شئ .
ولكن رسالته حسمت كل شئ .
ناس كتير بتباركلي وناس كتير بتكتب تعليقات تقول إنها سعيدة إني أخدت القرار ده، بس الحقيقة أنا مش مبسوط، أنا فعلا كنت راسم لحياتي طريق تاني، وكان نفسي أعيش وسط أهلي في ‫أسيوط ، كان نفسي أخدم بلدي وأنا في الصعيد، أقدم علمي وأفضل ﻵخر لحظة وسط أهلي وناسي، لكن كل ده تبخر في لحظة، القرار اللي أنا أخدته قرار صعب جدًا ولوﻻ أني لقيت مصريين محترمين ساعدوني في إتخاذ القرار ده كنت ممكن أضعف وأرجع واترمي في أي سجن ومحدش يسأل عني، النهاردة شفت مفارقة غريبة ومحزنة، شفت فيديوهات لروﻻ خرسا ولميس الحديدي بيشتموا فيا وفي أهلي علشان خفت أرجع، أيوة أنا خفت أرجع ومين فينا مابيخافش، خايف اعتقل بالسنين أو اتسجن بلا محاكمة أو أموت بلا تمن، وفي نفس اللحظة اللي شفت فيها الفيديوهات شفت هاشتاج الشباب عاملينه بإسم ‫ارجع يا عبدالله عشان عربية الخضار ‬، ناس بتباركلي وناس بتشتمني وناس بتتريأ. وأنا بالنهاية قررت أعيش كأنسان.

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ