المكرونة النجركسو لا تختلف عن المكرونة بالشاميل سوى فى حاجتين نوع الحشو او العصاج بيكون به بعض الافتكسات وزيادة بعض الخضروات لمحبيها طبعا وايضا الباشاميل بيكون اقل كثافة من الاخرى وهناك طرق بعد الحشو لاتدخل الفرن ويوضع عل الباشميل قشطة كتيرا عوضا عن البيض وتقدم سريعا
بالفيديو طريقة عمل باشميل بدون كلكعة

يلا نشوف المكونات
اولا الحشوه
عباره عن صدور فراخ مخليه نقطعها صغير اوي هنا غسلتها وسيبتها تتصفي كويس

بنتدي نجهزها نبشر بصله كبيره ناعم وندبلها علي النار

وبعدين نضف الفلفل الاخضر بتاعي

وبعدين الفراخ بتاعتي ونتبلها بالتوابل اللي تحبيها ملح فلفل اسود كمون كاري ورشه قرفه صغيره

هي هتنزل مايتها وتستوي فيها

لما وتستوي كويس نضيف رشه بقدونس بتديها ريحه وطعم جميل جدا

دي خلاص شكل الحشوه بتاعتي

ودلوقتي نسلق المكرونه بتاعتي بالطريقه العاديه وبعدين و نجهز الباشاميل انا نزلته النهارده بس عملت نصه بس عشان الصينيه اصغر عندي
المقادير
زي ماقلتلكم يابنات انا مش بحب اضيف بيض خالص
معلقتين ونص كبار دقيق
معلقتين سمنه او زبده
2 كوب حليب سايل
الاول الدقيق مع السمن لحد ما نشم ريحته

نضيف الحليب شويه شويه

نضيف الملح والفلفل بتاعي هنا بدا يتقل اهو

وده شكله كريمي وجميل

ناخد شويه بشاميل مع المكرونه ونقلبهم

نرص نص المكرونه تحت

ونضيف الحشوه

ونضيف المكرونه التاني

وحطيت باقي البشاميل

ورشه موتزريلا علي الوش

وندخلها الفرن لحد ما تحمر معايا

انتى فتحتى نفسى على الاكل