واستمرار لموسم العوده الي المدرسه وكما نشرت حملت توفير للميزانيه لست البيت فلازم تعملي كل حاجه عندك في البيت القرص اللي مشهوره عندنا في كل بيت للاطفال ازاي تعملي القرص في البيت بالطريقه ومقادير المناسبه والمظبوطه للقرص المحشيه والساده وكمان القرص بالسمسم كل ده هنعرفه مع الشيف نجلاء الشرشابي في حلقه القرص ان شاء الله لازم تهتمي بصحتك وصحه اطفالك باكلات مضمونه في البيت من ايديكي انتي اللي تعمليها لتضمني نظافتها وجودتها معانا حالا مقادير عمل القرص بالسمسم

واحد كوب لبن سائل ونص كوب ماء دافئ وربع كوب زبدة وتلات اكواب ونص دقيق كبداية
ملعقة كبيرة خميرة وملعقتين سكر كبيرة وملعقة عسل ابيض كبيرو ملعقة صغيرة ملح وبيضة
نسخن اللبن مع الزبدة يدوب يدفوا ونسيبهم ونخلط تلات اكواب ونص دقيق ونضع الخميرة والسكر وملعقة العسل والملح ونضيف البن والزبدة والبيضة ونحرك الخليط ونعجن ونزود نص كوب دقيق ونعجن ونزود رشات دقيق الى ان تتكون عحينة مطاطية وناعمة ونترك العجينة تخمر ونشكل الفينو ونسيبو يخمر وممكن ندهن الوش بيضة وشوية لبن ونرش سمسم او حبة البركن وتدهنى بحرص علشان مش تخرجى الهوا وتسخنى الفرن ودخليه وبالهنا والشفا
ملحوظة لبن هو الحليب السائل علشان فى اخوانا العرب بيقولوا على اللبن زبادى لا الوصفة دى حليب سائل
وكمان لو حتعملى فى فرن بمروحة يبقى جميل انا دة عملته فى فرن البوتجاز مفيهوش مروحة بس حطيت فى الرف اللى تحت صينية تانية فيها ماية علشان يبقى طرى جدا ودرجة الحرارة 190/ 200 وطبعا بتغطوا العيش بفوطة لما يخرج علشان مش ينشف


الصور




شكلها يشهي ويفتح النفس علي الاكل وبالهنا والشفا لكل عضوات وزوار نجوم مصريه

بالهنا والشفا علي كل الزائرين