نكت الصعايدة هي أجمل النكت التي تجعل الواحد يضحك من قلبه فالصعيدي هو الملك المتربع علي عرش النكته و الذي لا ينافسه أحد علي الاطلاق لذلك أقدم لكم بإستمرار مجموعة جديدة من نكتهم لرسم إبتسامة علي شفاه من يقرأ الموضوع ,مع تقديري و إحترامي للصعايدة الجدعان
*واحد بلدينا عايز يعمل عملية انتحارية، قام دخل مطعم وضرب نفسه بسكين تلاتة زباين ماتوا من الضحك
*واحدة صعيدية رماها زوجها من الدور الثالت طلعتله وقالتله بلاش الهزار التقيل ده
*واحد صعيدى راح يشترى لمراته جزمة فراح لمحل وقال لصاحب المحل عايز جزمه من غير كعب وخفيفه شويه ورخيصه صاحب المحل قال ماشي وجاب الجزمه فقالت مراته ده مينفعش انا عايزه بكعب ودبت خناقه فصاحب المحل قرف منهم فقال للصعيدي متخدها بكعب هو انت الى حتلبسها قال لع من غير كعب هو انت الى حتنضرب بيها
*واحد في مأتم واحد بلدينا مات امبارح، بيسأل، هو بلدينا مات بإيه؟ رد عليه اللي جنبه: حط إيده في برميل مية نار قال له: طيب وهو اللي يحط إيده في برميل مية نار يموت؟ قال له: لأ، ماهو لما مالاقاش إيده … دخل راسه في البرميل عشان يدور عليها!!
*مرة واحد صعيدى قابل واحدة اجنبية سالها انت منين قالتله:وااات قالها اجدع ناس الوتاوتة دول
*تلميذين من بلدياتنا وصلوا المدرسة متأخرين … سأل الأستاذ واحد منهم كان بيعيط قوي: إيه اللي جابك متأخر كده … قال وهو بيعيط: أصل الشلن بتاعي وقع مني وكنت عمال أدور عليه علشان ماعييش غيره … فسأل الثاني: طيب وإنت بقى كنت بتدور معاه برضه؟ … قال: لا يا أستاذ، أنا كنت دايس ع الشلن برجلي !!
*واحد صعيدي دخل محل أجهزة كهربائية و سأل البياع ? بكام التليفزيون ده رد عليه البياع بقرف – إمشي ياله , ما بنبعش لصعايدة زعل الصعيدي من التفرقة العنصرية و قرر أن يشتري التليفزيون على سبيل العند , فحلق شاربه و ارتدى بدلة فاخرة و عاد للمحل – مساء الخير , بكام التليفزيون ده من فضلك فرد البياع – امش ياله ما بنبعش لصعايدة إتغاظ الصعيدي لأن البياع تعرف عليه , و قفلت معاه يشتري التليفزيون فعاد للمحل مرتديا ملابس إمرأة منقبة و غطى وجهه تمامآ و قال للبياع بصوت رفيع السلام عليكم يا أخي, بكم تبيعون هذا التليفزيون إن شاء الله فرد عليه البياع: إمش ياله ما بنبعش لصعايدة الصعيدي انجن فخلع النقاب صائحآ أنت بتعرفني كيف كل مرة يا ولد الفرطوس ؟ فرد عليه البياع : علشان ده مش تليفزيون , دي غسالة فول أوتوماتيك