|
"وانا رايح اوثق عقد البيع ومن هنا لهنا وكعب داير بقالي ساعتين وفي الاخر الهانم تقولي استنى 10 دقايق عشان مشغولة حبتين !! "دا كان تعليق المهندس عزت الفولي أول ما وصل البيت وهوا بيضرب كف على كف .. المهندس عزت بيحكي ان موظفة الشهر العقاري في النزهة وقفته بره مكتبها اكتر من 20دقيقة عشان بتقشر الكوسة وتروح تطبخ على طول وكمان على دفاتر الشغل وبدون تركيز، واللي خلاه يزيتخانق معاها ويسألها انتي مركزة في الشغل ولا الطبخ وكمان قاعدة تتكلم في التاب اللي جيباه من ضرايب الغلابة مع العلم ان تقشير الكوسه في بيتها مش هياخد منها ربع ساعة بالكتير واحسن من المنظر الغير حضارى دا
ودا طبعا غير مشواري الصبح في محكمة زينهم والموظفة ناميمة على المكتب من الساعة 11 !! دا يخلينا نسأل هوا الموظفات بيروحوا الشغل يناموا ويطبخوا بس ولا المفروض يخلصوا مصالح الناس اللي بتلف من الصبح عشان اكل عيشها ؟؟ انا خايف من بتوع حقوق المرأة يزعلوا منى لكن بصرخ واقول هما دول جزء من الفساد اللى عايزين نقضي عليه ، كفاية عبث وتهريج ونفضل نقول فساد 30 سنه واحنا اصلا اللي بنصنع الفساد بأيدينا اللي زاي دول يقعدوااا في البيت مادام مش عايزين يراعوا ربنا في شغلهم وهناك شباب كتير محتاج كراسيهم في الشغل ..   |
