..::اسيبكم مع الحوار::..
-أبو راشد: وش قاعد تفكر فيه يا بو صالح؟
-أبو صالح: أفكر بهالدين العظيم اللي انتشر من أقصى الأرض اللى أقصاها. ناظر هالمسلمين الصينيين.
-أبو راشد: و الله أنك صادق يا أبو صالح.
-أبو صالح: بس ترى هذول ما يعرفون من الدين الا القشور. طبايعهم زي الأجانب، بس يصلون. المسلمين الصدق هم العرب اللي يفهمون القرآن و الأحاديث.
-أبو راشد: و الله أنك صادق يا أبو صالح.
-أبو صالح: و بعد ترى موب كل العرب مسلمين صحيحين. عندك هالشوام و المصاروه و المغاربه و الله حتى ما يصلون صلاة ربي. ان بغيت المسلمين الصدق تراهم أهل الجزيرة و الخليج.
-أبو راشد: و الله أنك صادق يا أبو صالح.
-أبو صالح: و موب بعد كل الخليج. ترى كل هالدول تسمح بالخمر و بالكنايس، الدين الصدق هو ديننا حنا يا أهل السعودية.
-أبو راشد: و الله أنك صادق يا أبو صالح.
-أبو صالح: بس عندك بعد أهل الشرقية حريمهم ما يغطون وجيهم، و أهل الغربية حريمهم بعد ما يتغطون و يشيشون، و أهل الشمال حريمهم ما يتغطون عن رجالهم و يجلسون معهم و يضيفوهم. و أهل الجنوب مثلك خابر عندهم بدع واجد. الدين الصدق موجود هنيه عندنا في الوسطى و القصيم.
-أبو راشد: و الله أنك صادق يا أبو صالح.
-أبو صالح: بس ترى عندك هنا في الوسطى الناس يتتنون (يدخنون) و يسمعون موسيقى و العياذ بالله. الدين الصدق هنيه ببريدة.
-أبو راشد: و الله أنك صادق يا أبو صالح.
-أبو صالح: بس بعد بريدة موب كل حارة زي الثانية، ترى أكثر أهل بريدة مركبين دشوش و يشوفون القنوات الماجنة. ما فيه مثل حارتنا مافيه و لا دش واحد.
-أبو راشد: و الله أنك صادق يا أبو صالح.
-أبو صالح: بس الله يهديهم جيراننا موب دايم تشوف عيالهم في المسجد، و لا تشوفهم دايم في صلاة الفجر.
الصراحة يا بو راشد ما فيه في الحارة يصلون الفجر دايم في المسجد الا أنا و انت.
-أبو راشد: و الله أنك صادق يا أبو صالح.
-أبو صالح: بس أشوفك يا بو راشد هالأيام ما تخشع زين في صلاة الفجر!!!