المكان شقه ساميه وشقه جوز ساميه
الزمان ميعاد وجبه العشا
الابطال مش معقوله هقولكوا على كل حاجه هتعرفهم لما تقروا
كل يوم باميه ايه مبتعرفيش تطبخى صنف غيرها ولا ايه؟
سلامه نظرك ياحبيبى دى مش باميه دى ملوخيه
وهتفرق ايه من باميه ل عدس ياقلبى لانحزن
*فى سرها ايه هو الراجل دا ماله*
ملوخيه ياحبيبى
عرفنا انها ملوخيه وعملاها كمان تبع وصفه الست
امك اللى خدتها من الست امها وهكذا نوارثت العائله الكريمه سر الوصفه
وكانها كنز ملكى
انت هتتريق على عيلتى ولا ايه الله يرحم فاكر؟
فاكر ايه؟
ايام الخطوبه ياعينيا
ياما نفسى اكل من ايدك يتحبيبتى اى حاجه هتعمليها هاكلها
ولا فاكر اول عزومه لك عندنا
انتى هتعايرانى بالعزومه ولا ايه؟ دى حنى كانت عزومه سكه اوى
دا انتى واهلك خليتوا رقبتى زى السمسمه قصاد اهلى
عزومه سكه واللحمه اللى كانوا عمالين يلهطوا فيها
زى مايكون عمرهم ماشفوها
لحمه ايه ياام لحمه انتى تقصدى يعنى لحمه الجمعيه اللى ابوكى كان
بيجيبها من العيد للعيد. وعلى فكره انا شاكك امها لحمه حمير
اسم الله عليكم انتوا ......... لا حوش حوش اللحمه عندكوا كانت زى الرز
طبعا. انتى ناسيه انا ابن مين
دا انا يوم ماجيت اخطبك ابوكى وامك مكنوش مصدقين من الفرحه
لدرجه ان كان هيجيلهم السكنه القلبيه
لا من ناحيه كدا عندك حق هههههههههههههههه
انتى بتضحكى عليا ولا ايه؟
لا دا انا بس بنقلك ايه هو اول رد فعل لاهلى لما شافوك
يعنى ايه؟
يعنى فطسوا من الضحك ,وقالولى ازاى هتتحوزى اراجوز ههههههههههههه
بقى كدا ياساميه ,والله لاسيبلك البيت وهفصل عنك الكهربا
والميه
سلامه النظر ياسبعى م الكهربا والميه مفصولين من الحى من ليله جوازنا ياحبيبى