الموضوع في قسم المقالات تحت هذا الرابط
http://100fm6.com/vb/showthread.php?t=59335
وخلاصة الموضوع ان الاخت الكريمة من وجهة نظرها ان النقاب وباختصار وحش
والادهى انها نعتت هدى شعراوي بالرائدة علشان خلعت النقاب في ثورة 19
و اللذيذ انها قالت على ان النقاب فكر وهابي وانتشر بينا دلوقت
وهابي يعني فكر سلفي للي ميعرفش
والاعضاء ردو عليها وفيهم بنات و معظمهم ايدها فيما عدا تقريبا الاخ مصطفى كابو والي رد رد دبلوماسي هادئ
ودلوقت مع ردي :
انا مردتش في الموضوع الاصلي علشان الاعضاء قليل لما بيدخلو قسم المقالات وبما انك طرحتي موضوع هام ومنتشر فكان الاولى نناقشة في المنتدى العام علشان الجميع يشوفوه
مش هتكلم كتير عن النقاب لاني مش عالم بس كل الي اقدر اقولهولك انك يا ريت زي ما بحثتي ونقلتي مقالات عن اضرار النقاب وانه اختياري يا ريت كمان تتعبي نفسك وتنقلي اضرار اللبس الخليع والحجاب الي مش حجاب
ولا انا غلطان ؟
وعايزك تتخيلي حاجة وبما انك بتتكلمي عن الحلال والحرام ؟
تخيلي كدا وانتي بتتحاسبي يوم الحساب ربنا قالك ان النقاب كان فرض في الدنيا وبسبب موضوعك كان في بنات عايزة تتنقب وبعدين اقتنعت بكلامك ومتنقبتش وانتي كدا تسببتي في ان البنات دي معملتش الفرض
فيا ترى هتتبسطي بالموضوع دا ؟
والموضوع مطروح للنقاش وعلى فكرة هاتو اي راجل في الدنيا طبيعي يعني ليه في الستات وقولوله ايهما تفتنك اكثر المنقبة ولا الغير منقبة وهتشوفو الرد
وارحمونا بقى ويا ريت نتكلم عن علم واذا مكنش في علم يبقى يا ريت نتجنب مواضيع الحلال والحرام والفرض والسنة علشان منتفاجئش بمصايب في ميزان سيئتنا ونقول مكناش نعرف
وصدق رسول الله صلى الله عليه وسلم عندما قال
"سيأتي على الناس سنوات خداعات يصدق فيها الكاذب ويكذب فيها الصادق ويؤتمن فيها الخائن ويخون فيها الأمين " او كما قال
وشكرا
