(الحب)
احلى مشاعر الانسان بيحسها تطهر القلب وتسعد الروح وتخلى الدنيا جميلة مش شرط تكون بين واحد وواحدة الحب عموما حبك لاهلك واصحابك وجيرانك بس للاسف الحب اختفى من الدنيا
(التسامح )
انك تعذر الناس وتحط نفسك مكان غيرك وتتخيل نفسك يكون قلبك كبير فيه رحمة على الناس وتفتكر انكلنا بشر وزى ماغيرى بيغلط انا كمان بغلط ولازم اسامح عشان ربنا يسامحنى والتسامح مش ضعف ولا قلة حيلة
(الغيرة )
الحمد لله الصفة دى مش موجودة بس اعتقد ان القناعة تمنع الغيرة لانك راضى بقضاء الله على مااعطاء بس اللى ممكن اغير فعلا على امى من اخواتى
(الصدق )
صفة حلوة مش موجودة فى ناس كتير بكدب بس فى حاجات قليلة ومش بتاذى حد بس هى صفة وحشة لانها بتفقد الثقة فى اللى حواليك
(الذل )
اعوذ بالله منه بس لو انسان ظالم ومفترى ووقع تحت ايدى هعمل فيه كده عشان يجرب ان زل الناس صعب وبعد كده اسامحه
(الانسانية )
ان ربنا خلقنا فى احسن صوره وكرمنا احنا البشر على مخلوقات كتير خلق فينا القوة والضعف والرحمة والخير
(الرحمة )
انك تكون متعاطف مع الناس تساعد المحتاج وتنصر المظلوم
ده اللى اقدر اقوله وده من وجهة نظرى وطبعا كل كلمة من دول ليهم معانى اكتر من كده
اى خدمة
|