آيه في الجمال وابويا اسمه حسن جمال
انسان بسيط شغال حمال علي اكتافه هموم
لكنه ما اشتكي طول عمره راجل
عمره ما بكي كنت ساكنه في الجليل
وعمي اسمه خليل وصحباتي سلوي ونشوي
بنات من جارتنا نشتري مع بعض الحلوي
ونروح علي مدرستنا اطفال في عمر الزهور
وبايدين غدارة وجبانة رموا علي مدرستنا دانه
واحنا في الصبح طابور وقبل حديث الاذاعة
كان خبر موتنا في كل اذاعة والموت علينا بيدور
ودي مش اول مرة في بحر البقر عملوها
وفي صبرا وشاتيلا بشاعة ما اقدر احكيها
وفي دير البلح ودير ياسين المع مالي ألف عين وعين
والطفل اللي اندبح مين هياخد تاره مين
احنا كنا في سنة رابعة ودي شهادة
يا امي لا تبكي علي دمعة دي اعظم شهادة
اصل مش انا لوحدي معايا سلوي
واحمد وشهد ونشوي والدرة وامل ومجدي
دول كمان بس كانوا قبلي باشوفهم كل يوم
نلعب وناكل سوا في الجنة مايفرقنا الا النوم
وفي ايدينا مرسومة الحنة وباطمنك يا امي
انتي وابويا وعمي اني شايفة بكرة جي
وجايب معاه النور وتروي المياه من تاني
ارضنا البور تخضر شجرة الزيتون
زرعتها قبل ما اموت وحياتي هيجي اليوم
( بجد يا جماعة انا حزين جدا علي اللي بيحصل في غزة ولو في ايدي حاجة كنت عملتها بس ربنا موجود وان شاء الله القدس هترجع من تاني عربية لانها من الاساس عربية )