بس الأكتر من كده
انها قررت تفصل الطلبة المتميزة من الولاد فى نفس المجموعة مع الطلبة المتميزة من البنات
"كانو وصلوا ل 3 اعدادي ما انا قلت الناس المتميزة دي جم لما شافوا درجاته فى الأمتحانات"
صاحبنا راح عادي جدا ما كنش يعرف ان المكان ده اللى هغير كتييير اوي من حياته
ان لم تكن اتغيرت كلها
المجموعة المتميزة اتجمعت كلها ولاد وبنات
تخيلوا انتوا بقي ايه هيكون شكل الدرس من منافسة
كل واحد فيهم بقي لازم يثبت انه متميز فعلا
المهم كل ده كان مقدمة عن حياة صاحبنا ده
حصة في حصة ابتدي ياخد علي وجود البنات معاه فى المجموعة
ابتدي يرجع لهزاره تاني كالعادة علي مسمع الكل
لدرجة انه مره فى وسط الدرس وقت هزار برده
قال للمدرسة دي
"الحقي الحقي ماشوفتيش المصيبة اللى جاية دي"
"ايه"
"الحقي استخبي بيلموا القصيرين "
هههههههههههههههههههههههههه
والكل ضحك اوي
وردت عليه وقالتله "اقعد يا طويل يا اهبل دا الطول خيبة"
قالها " والقصر عيبة"
وكان الدرس كله بيضحك اوي وابتدي ياخد ع الجو
مرة فى مرة لقي بنت عنيها جت في عنيه وبصاله
قال عادي يعني ممكن بتبص ع المدرسة والشرح عنيها جت صدفة في عنيه
لقي مرة بعدها بتبصله والتانية والتالتة بتبتسم
قال "قشطة شكل الدرس هيبقي مفيد"
ابتدي يا خدها تسلية فى الأول
ويقول عادي ادينا بنعمل طعم للجو فى الدرس
وكان بيقعد بقي طول الدرس يحل ويخلص
وياه علي سرعته فى انهاء الحل.......... ساعتها كان اسد بيحل هههههه
عشان يقد باصصلها كتير
كل حصة كانوا علي كده لحد ما فيه حصة منهم والده احتاجه معاه فى الشغل
غاب وما رحش الحصة دي
اول مرة يحس انها وحشاه ابتدي يحس انها مش تسليه زي ما كان فاكر
استني الايام كلها تعدي بسرعة عشان يشوفها تاني وكانت ايام طويلة اوي اوي
راح الحصة التانية دي مع فروغ الصبر
.................
لقي الاكتر من كده
..........................
هي اللى ما جتش الحصة دي
ابتدي يغلي........... ووحشته اوي اوي
وكان الدرس دمه غللللللللللللللللللللللس
عرف انه بيحبها اوي الوقت ده
وما كنش قدامه الا انه يستني ميعاد الحصة اللى بعدها
واستناها وهو خلاص ابتدي يحبها اوي
جه الميعاد المنتظر
راح الدرس تقريبا اول واحد
عشان يشوفها كمان وهي جاية لسه
قبل اما الحصة تبتدي
كان فرحان اوي اوي ساعتها
ولا اكنه شايف ملكة....برنسيسة جايه عليه
ابتدي حبه لها يزيد مع الحصة ومع اللى بعدها واللى بعدها واللى بعدها
وكل لما الوقت يعدي يخاف اوي
ليه؟؟؟؟
طبعاً وقت الترم قرب ينتهي........؟
ازاي ما كنش قادر مايشوفهاش حصة واحدة
وهيقدر يستني اجازة كامله 4 شهور
حراااااااااااااااااااااام
قرر انه يكلمها قبل لما الترم يخلص ويعرف ايه الحكاية كلها
فى آآآآآآآآآآآآآآخر حصة
كانت المدرسة بتراجع بقي وهو ولا معاهم خالص
بصراحة كان مذاكر جدا عشان يخلي الحصة دي ليها لوحدها بس ولا درس ولا يحزنون
طول الحصة باصصلها
لحد ما سمع المدرسة بتقول "يلا بقي عشان تلحقوا تذاكروا شوية قبل الامتحان"
راح هو قايل ساعتها ما احنا اهه قاعدين شوية مع اصحابنا.....حبايبنا"
ساعتها راحت هي مبتسمة فعلا اوي
والكل خلاص بقي مشي............. وهو مصر انه يكلمها يعني يكلمها
الظروف كلها كانت بتساعده لان بيتها فى الشارع اللى قبل شارع الدرس علي طول
من ورا شارع الدرس ده ممكن تلف للشارعها بسهولة جدا لان الاتنين مفتوحين علي بعض
رااااح جررررررري يستناها قبل ما توصل
شوفتوا جرئة زي كده هيكلمها قدام بيتها
شارعها ده شارع رئيسي وبعدين فيه حوداية كده عشان تدخل منها للبيت بتاعها
استناها هنا...........
اول ما لمحها.................