طبعا النيش ده هو احد مكونات غرفة السفرة وهو دولاب لاطقم الشاى
وللاطباق والكريستال وايضا التحف الثمينة
وهو مختلف فى انواعه حسب الذوق والاحتياج
يحوى 2 ضلفه او اربع ضلف

وجه النيش من الزجاج والجانبين ايضا زجاج الظهر من الخشب
اشكال النيش :_
موديلات كلاسيك / موديلات مودرن
هنتعرف على كل شكل منهم بالتفصيل
موديلات النيش الكلاسيك :-

السفرة الكلاسيك بتكون بحجم كبير تحتاج مساحة كبيرة لضخامة القطع الخاصة بها
ونيش السفرة الكلاسيك بيكون 4 درف



2 من الضلف بحجم كبير



نيش السفرة المودرن
فى السفرة المودرن النيش يكون بحجم صغير




والكثير من السفرة المودرن لا تحتوى على نيش بل تحتوى على ارفف تقوم بنفس الغرض لانها صممت للمساحات الصغيرة


ممكن نيش صغير






احدث حاجة فى السفرة المودرن النيش الكامل للمساحات الكبيرة


نيجى لترتيب النيش وده اهم مافى الموضوع
ازاي مايبقاش تقليدي؟

انا اساعدكم ب بحبة نصايح يارب تفيدكم
بس الاول اعرف نوع النيش ماشى
عند ترتيب النيش نحتاج الاتى

مفارش النيش

مفارش صغيرة توضع عليها الاشياء اشكالها عديدة منها الكروشية
و القماش المطرز
والأورجنزةالمطرزالموضة)

و السرمة:-
يجب الا تكون ناعمة فتسقط الاشياء
يمنع المفارش الحرير والستان

يجب ان يكون لون المفارش يناسب لوم النيش

ظبطى عدد المفارش على عدد الارفف لو الرف عريض ضعى 3مفارش وعلي حسب كمان حجم المفرش


البقية العدد القادم علشان انا تعبت النهاردة

اهلا بيكم انا رجعت وعايا شوية افكار تجنن

اهم شىء يوضع فى النيش طقم الصينى

طقم الصينى كلما زاد عدد قطعه
يعتبر البولندي والأيطالي هما افضل أنواع الصيني لكن سعرهما عالي جدا

طقم الصيني يمكن أن يكون أبيض تماما أو منقوش فضي أو ذهبي يجب الاحتراس ان ينقش الصينى بالذهب او الفضة هذا حرام فى الاسلام

كلما خف وزن الصيني .
أختاري طاقمك بعناية وأحرصي على ان يكون رقيق وناعم يعبرعن ذوقك لأنه أول شىء يلفت الانتباه داخل النيش

مثال كهذا

ترتيب الاطقم
حاولي وانتي بتشتري الاطقم متجبيش الوان كتير
يعني بلاش يبقى النيش عبارة عن كرنفال الوان عشان ميزغللش العين
وكمان هتلاقي صعوبه في تنسيقة خصوصا لو المفرش لونه مش لايق مع الطقم
يعني حاولي يبقى الاطقم على قد ماتقدري لون واحد او لونين بالكتير
يعني لو ذهبي يبقى الكاسات فيها خطوط او رسومات دهبي وممكن يكون طقم الشاي على لون عسلي يعني حاولي يبقى الالوان ماشيه مع بعض وطبعا المفارش تكون ذهبي فاتح او بيج
ولو عايزة تكون حاجتك على فضي يبقى دي سهله بالنسبالك ممكن تحطي لون تاني زي الاحمر او الاخضر او الازرق وده هيديكي انعكاس جميل جدا
زي النيش ده عبارة عن لونين فضي وابيض

الكاسات :-

أحرصي على أقتناء ولو طقم كاسات غالي الثمن للعزائم .
إذا كان بأمكنك شراء عدد كبير من الكاسات فأختاري طقمين متشابهين لأستخدامهما في حالة وجود أكثر من6 أشخاص .

هناك ألوان للكاسات فمنها المذهب وهو أساسي ومنها المنقوش باللون الأبيض والملون بالأحمر والأسود والأزرق وغيرها من الألوان (وهي الموضة الآن)ومنها السادة تماما.

يمكنك شراء طاقم من كل نوع ولا تكثري من المذهب إذا كان طقم الصيني مذهب لكن نوعي في الألوان.
بالتالى هتشترى طقم واحد غالى
يمكن شراء ثلاث انواع مختلفة لوضعهم داخل النيش
ويمكن لك شراء طقمين للمطبخ والعزومات

طريقة الترتيب بقى طبعا الكاسات واطقم الشربات بيبقوا لوحدهم وترصيهم بشكل جميل لكن بلاش تبالغي وتكتري في الحاجه عشان جمال الاطقم هتروح

وطبعا طقم الشاي بترص كله وبيكون البراد في النص وحواليه الفناجين وبيكون وراه سيرفيس مدور او بيضاوي زي ماتحبي ويكون واقف وراه يعني ساند على خلفيه النيش وممكن كمان تحطي حواليهم فناجين القوة اللي تبع طقم الصيني طبعا عشان يبقو شكل واحد

واطقم الخشاف بيكون الطبق الكبير في النص وبيتحط جواه الاطباق الصغيرة بشكل مرتب وجميل
وطبعا بيكون عندك طقم صواني للتقديم بتكون غير اللي بتستخدميها في المطبخ
ودي بتحطيها في الخلف زي السيرفيس كده اللي اتكلمت عنه من شويه
اختاري النوع المناسب لك ماديا



اما بالنسبه لشنطه الملاعق فليكي حريه الاختيار
ياما بتفتحيها وتحطيها زي ماهي
ياما وده الافضل انك تشيلي الملاعق منها وتضعيها في ادراج

شنطة الملاعق: أفخرها الألماني ثم الفرنسي والأيطالي

الأستلس النقي هو الخامةالجيدة التي لا تؤدي لأي أعراض جانبية ولا تفقد لمعانها بمرور الزمن.

البوفيه
طبعا الملاعق بتبقى محطوطه في حاجه كده جوة الشنطه وبتكون لكل واحده مكان مخصص فانتي بتشيليها بيها عشان شكل الملاعق ميبوظش
بالنسبه بقى لباقي طقم الصيني فدول بيترصوا في البوفيه ولو ماعندكيش بوفيه فبترصيهم في النيش من تحت خالص بيكون في مكان متداري
طبعا لان ماينفعش ان الاطباق تبان في النيش