يعنى مثلا سالتهم سؤال افتكرونى عيل وردوا عليا بمنتهى السذاجه
شوفوا سؤالى واحكموا انتوا
ماما يعنى ايه طاقه نوويه ؟وايه الفرق مابينها وبين الطاقه الذريه؟
اسأل أبوك؟
(مع ان ماما خريجة علوم)
بابا هو يعنى.............
معرفش دا تخصص أمك ,ودا دورها فى البيت روح انا عايز اتفرج ع الماتش
(مع ان بابا برضه خريج علوم) بس له الحق اصله بيشتغل فى وزارة الشئون الاجتماعيه بيقول انه
بياخد من هناك معاش يعنى تبعها برضه
ماما هو يعنى ايه؟
هو انت غاوى تتعبنى انا زهقت منكوا انت مش شايف انى مشغوله ,اسال بابا هو انا اللى عليا
كل حاجه فى البيت دا
بابا قالى ان دا من اخنصاصك وان دا تخصصك انتى
(بمنتهى الغيظ والنقمه على زوجها تترك المكواه على قميصه حتى يحترق القميص ثم تذهب الى المطبخ
كى تستمتع بكوب الشاى بتاع الساعه 6و10)
الجده تعالى ياواد ياعمرو انا هجاوبلك على كل الاسئله
كان زمان فى البيوت القديمه كانوا يعملوا فتحه فى جدار البيت كانوا يسموها (طاقه)
كانت زى خزنه كدا نحط فيها خزين البيت زى البلح اللى كان بنواه
وكدا سموها الطاقه النوويه ,اما الطاقه الذريه
عمرو عرفت ياتيته اللى كانوا بيحطوا فيها الذره صح؟
شاطر ياواد نبيه زى ستك,قوم بقى اما نلعب ع الكمبيوتر شويه.
مش هينفع ,لان اخويا بيشيت عليه
اخوك دا فاشل ولسانه طويل
وكمان انا مش فاضى
ليه ؟
لازم اروح للمكتبه عشان ادور على اجابه ل سؤالى .
(بلح ايه وذره يا تيته الموضوع اكبر من كدا , بس انتى اللى طيبه)
اقابلكوا بعدين ,سلام.........................ز